काठमाडौँ / पछिल्ला केही वर्षयता इलेक्ट्रोनिक्स बजारमा नेपालका उपभोक्तामा उल्लेखनीय परिवर्तन देखिएको छ । प्रविधिमा चासो राख्ने मात्र होइन, आम उपभोक्तासमेत अहिले स्मार्ट टिभी, होम अडियो र इन्टरनेट जडित उपकरणतर्फ आकर्षित भएका छन् ।
यस परिवर्तनको केन्द्रमा रहेका ब्रान्डहरूमध्ये शाओमी लोकप्रिय नाम बनेको छ । चीनमा स्थापना भएको शाओमी कम्पनीले नवीनता, सहज प्रयोग र किफायती मूल्यलाई आधार मानेर विश्वव्यापी बजारमा आफ्नो पहिचान बनाएको हो । नेपालको सन्दर्भमा हेर्ने हो भने, शाओमीले स्मार्टफोनबाट सुरु गरेको उपस्थिति अहिले स्मार्ट टिभी सेग्मेन्टमा समेत प्रभावशाली बन्दै गएको छ ।
प्रविधि, पहुँच र डिजाइनको सन्तुलनः शाओमीका टिभीहरू नेपाली बजारमा उपलब्ध अन्य ब्रान्डहरूसँग तुलना गर्दा, मूल्य र गुणस्तरको हिसाबले सन्तुलित देखिन्छन् । साना कोठाका लागि एचडि र फुल एचडि टिभी, अनि ठूला मनोरञ्जन कक्ष वा लिभिङ रूमका लागि 4K QLED टिभीहरू सबै खालका उपभोक्तालाई लक्षित गरी बजारमा ल्याइएको छ । यी सबै मोडेलमा गुगल टिभी, क्रोमकास्ट, गुगल असिस्टेन्ट जस्ता अत्याधुनिक स्मार्ट फिचरहरू छन्, जसले प्रयोगकर्ताको अनुभवलाई अझ सहज र समृद्ध बनाउँछ ।
मूल्यअनुसार मोडेलहरूः
शाओमी टिभी ए प्रो ३२ एचडी (रु. २९,९९९) : साना कोठा, छात्रावास वा एकल बसोबासमा रहेका व्यक्तिका लागि उपयुक्त । ३२ इन्चको एचडी डिस्प्ले, गुगल टिभी र आकर्षक बेजेलरहित डिजाइनसहित सुरु हुने यो मोडेल शाओमीको बजेट–अनुकूल शुरुवाती विकल्प हो ।
शाओमी टिभी ए ४३ एफएचडि (रु. ४९,९९९) : थप स्पष्टता र स्मार्ट फिचर खोज्ने उपभोक्ताका लागि । फुल एचडी डिस्प्ले, फार–फिल्ड माइक्रोफोन र साउन्ड सिस्टमले यो मोडेललाई मध्य–स्तरको प्रभावशाली टिभी बनाएको छ ।
शाओमी टिभी ए प्रो ४३ (२०२५) (रु. ५४,९९९) : 4K QLED प्रविधिसहित सानो साइजमा उच्च दृश्य अनुभव चाहनेहरूको रोजाइ । स्टोरेज, र्याम र अपरेटिङ सिस्टमको संयोजनले यो मोडेललाई ‘पावरफुल मिनी होम थियटर’ को रूपमा प्रस्तुत गर्दछ ।
शाओमी टिभी ए ५५ (रु. ७९,९९९) : परिवारका लागि उपयुक्त मध्यम आकारको फोर के टिभी, जसमा Dolby Audio, Chromecast,16 GB ROM जस्ता सुविधा छन् । ठूलो स्क्रिन, शक्तिशाली अडियो र सहज इन्टरफेसले यसलाई होम इन्टरटेनमेन्टको केन्द्र बनाउँछ ।
शाओमी टिभी ए प्रो ६५ (रु. १,१४,९९९) : ठूला कोठा वा भेला हुने ठाउँका लागि लक्षित ६५ इन्चको फोर के डिस्प्ले, १६न्द्य स्टोरेज, म्त्क् र म्यदिथ साउन्ड सपोर्टसहित शाओमीको उच्च श्रेणीको विकल्प ।
शाओमी टिभी ए प्रो ६५ (२०२५) (रु. १,१९,९९९) : डिजाइनप्रेमी र उच्च प्रदर्शन चाहनेहरूका लागि । QLED प्यानल, अल्ट्रा हाई रेजोल्युसन, बेजेलरहित मेटल फ्रेम र साउन्ड सिस्टमले यो मोडेललाई सौन्दर्य र कार्यदक्षताको संयोजन बनाएको छ ।
नेपाली बजारमा स्मार्ट टिभीको माग तीव्र गतिमा बढ्दै गएको छ । सस्तो र सजिलो इन्टरनेट पहुँच, डिजिटल प्लेटफर्महरूको बढ्दो प्रयोग (जस्तै : युट्युब, नेटफ्लिक्स, एमएक्स प्लेयर आदि) र युवा पुस्ताको प्रविधिप्रतिको रुचिले स्मार्ट टिभीलाई ‘लक्जरी’ बाट ‘आवश्यकता’तर्फ तानिरहेको छ । यस्तै परिवेशमा शाओमीजस्ता ब्रान्डले प्रतिस्पर्धी मूल्यमा गुणस्तरीय टिभी उपलब्ध गराउँदै उपभोक्ताको मन जितेका छन् ।
शाओमीसँग प्रतिस्पर्धा गर्ने अन्य ब्रान्डहरू - जस्तै : सामसुङ, एलजी, टिसिएल आदिसँग तुलना गर्दा, मूल्य र फिचरको अनुपातमा शाओमी अग्रपंक्तिमा देखिन्छ । यदि स्थानीय सेवा प्रणाली, बिक्री पछिको सेवा र ब्रान्ड सुदृढीकरणमा ध्यान दिइयो भने प्रिमियम सेग्मेन्टमा यो अझ बलियो रूपमा उभिन सक्ने सम्भावना छ।
प्रत्येक मोडेलले प्रयोगकर्ता अनुकूलता, प्रविधिको समायोजन र मूल्य सन्तुलन प्रस्तुत गर्छ । स्मार्ट टिभी रोजाइमा शाओमीले विश्वव्यापी मात्र होइन, नेपाली बजारमा समेत आक्रामक उपस्थिति देखाइरहेको छ, जसले उपभोक्ताका लागि नयाँ विकल्पहरू सिर्जना गरिरहेको छ ।
यदि तपाईं घरको लागि स्मार्ट टिभी खरिद गर्ने सोचमा हुनुहुन्छ भने, शाओमीका यी मोडेलहरू तपाईंको आवश्यकताअनुसार छनोट गर्न मिल्ने उत्कृष्ट विकल्प बन्न सक्छन् ।
