काठमाडौँ / अर्थमन्त्री विष्णु पौडेलले आर्थिक वर्ष २०८२/८३को बजेटका पाँच वटा उद्देश्य रहेको बताएका छन् ।
सङ्घीय संसद्को दुवै सदनको संयुक्त बैठकमा आर्थिक वर्षको बजेट प्रस्तुत गर्दै अर्थमन्त्री विष्णु पौडेलले बजेटका पाँच उद्देश्य रहेको बताएका हुन् ।
जुन यस्ता छन् :
१. उच्च दिगो एव फराकिलो आर्थिक वृद्धि हासिल गरी गरिबी निवारण गर्ने ।
२. उद्यमशीलता विकास र सार्वजनिक तथा निजी लगानी विस्तार गरी रोजगारी सिर्जना गर्ने ।
३. आधुनिक प्रविधिको प्रयोग बढाउँदै आर्थिक क्षमता वृद्धि गर्ने ।
४. सामाजिक संरक्षण एवं विकासका माध्यमबाट सामाजिक न्याय कायम गर्ने ।
५. गुणस्तरीय सार्वजनिक सेवा र सुशासन प्रवर्द्धन गर्ने ।
त्यस्तै, सरकारले आर्थिक वर्षको बजेटका प्राथमिकता तोकेको छ ।
१. उद्यमशीलता, रोजगारी, उत्पादन र उत्पादकत्वको अभिवृद्धि ।
२. प्रतिफलयुक्त गुणस्तरीय भौतिक पूर्वाधारमा लगानी विस्तार ।
३. सामाजिक क्षेत्रमा गुणात्मक सुधार ।
४. सन्तुलित विकास र सामाजिक सुरक्षाको सुनिश्चितता ।
५. नागरिक मैत्री सेवा भ्रष्टाचार नियन्त्रण र शासकीय सुधार ।
