काठमाडौँ / कालीमाटी फलफूल तथा तरकारी बजार विकास समितिले आज बिहीबारको मूल्यसूची प्रकाशित गरेको छ ।  जसअनुसार आज सानो लोकल गोलभेँडाको भाउ घटेर औसत मूल्य प्रतिकेजी ५० रुपैयाँ, टनेल गोलभेँडा ५७ रुपैयाँ ६७ पैसा, सानो गोलभेँडा (भारतीय) ४२ रुपैयाँ ६७ पैसा, तराई सानो गोलभेँडा ५५ रुपैयाँ तोकिएको छ । 

त्यस्तै, स्थानीय काउलीको भाउ घटेर प्रतिकेजी ४७ रुपैयाँ ६७ पैसा, रातो मूला ३२ रुपैयाँ ६७ पैसा, लाम्चो भन्टा ३० रुपैयाँ, तने बोडी ५५ रुपैयाँ, भटमासकोशा ८६ रुपैयाँ ६७ पैसा, तितो करेला २७ रुपैयाँ ६७ पैसा, भिण्डी २२ रुपैयाँ ६७ पैसा, कन्य च्याउ १७० रुपैयाँ, ब्रोकाउली ८५ रुपैयाँ निर्धारण गरिएको छ । 

यसैगरी, लोकल काक्रो प्रतिकेजी ४५ रु पैयाँ, हरियो खुर्सानी, भेँडे खुर्सानी र बुलेट खुर्सानी प्रतिकेजी ७५ रुपैयाँ, हरियो धनियाँ ६५ रुपैयाँ र सुकेको लसुनको भाउ प्रतिकेजी १ सय रुपैयाँले घटेर १९० रुपैयाँ कायम भएको छ । 

यता, रातो आलुको भाउ भने आज बढेर प्रतिकेजी ३६ रुपैयाँ ६७ पैसा पुगेको छ भने घिरौला ३२ रुपैयाँ ६७ पैसा, डल्ले च्याउ ३२६ रुपैयाँ ६७ पैसा, सुकेको खुर्सानी ३६० रुपैयाँ र माछे खुर्सानी ४५ रुपैयाँ पर्नेछ । 

विस्तृत तालिकामा हेर्नुस्