काठमाडौँ / कालीमाटी फलफूल तथा तरकारी बजार विकास समितिले आज बुधबारको मूल्यसूची प्रकाशित गरेको छ । जसअनुसार आज केही तरकारीको भाउ घटेको छ भने केहीको बढेको छ । मूल्यसूची अनुसार सानो गोलभेँडा (लोकल) प्रतिकेजी ४६ रुपैयाँ २५ पैसा पुगेको छ भने भारतीय गोलभेँडा (सानो)को भाउ प्रतिकेजी ४७ रपैयाँ ५० पैसा पुगेको छ । यसैगरी, लौकाको भाउ प्रतिकेजी २२ रुपैयाँ ५० पैसा, तने बोडी र झिगुनी प्रतिकेजी ६५ रुपैयाँ, मटरकोशा ८५ रुपैयाँ, घिरौला ३२ रुपैयाँ ३३ पैसा, पार्सले २७७ रुपैयाँ ५० पैसा, लोकल काक्रो ६० रुपैयाँ, हाइब्रीड काक्रो २७ रुपैयाँ ६७ पैसा कायम गरिएको छ । 

यसैगरी किविको भाउ बढेर प्रतिकेजी ४३० रुपैयाँ पुगेको छ भने सुकेको खुर्सानी ३६० रुपैयाँ, भेडे खुर्सानी ९५ रुपैयाँ, सिताके च्याउ ७५४ रुपैयाँ पुगेको छ । केही तरकारी र फलफूलको भाउ भने सामान्य घटेको छ । त्यस्तै, गुन्द्रुकको भाउ सामान्य घटेर ३२६ रुपैयाँ ६७ पैसा, पार्सले २७७ रुपैयाँ ५० पैसा, झिगूनी ६५ रुपैयाँ, चिचिण्डो र डल्लो भन्टा ३५ रुपैयाँ, लाम्चो भन्टा ३० रुपैयाँ, तितो करेला २२ रुपैयाँ ५० पैसा, भारतीय आलु ३५ रुपैयाँ र तराई गोलभेडा ३९ रुपैयाँ ६७ पैसा तोकिएको छ । 

विस्तृत तालिकामा हेर्नुस्