काठमाडौँ / आइतबार सुनचाँदीको मूल्यले यसअघिको रेकर्ड तोडेको छ । नेपाल सुनचाँदी व्यवसायी महासंघका अनुसार नेपाली बजारमा आज सुन सर्वाधिक बढी मूल्यमा कारोबार हुनेछ । शुक्रबार प्रतितोला १ लाख १६ हजार रुपैयाँमा कारोबार भएको सुनको भाउ आज १ हजार रुपैयाँले बढेर १ लाख १७ हजार रुपैयाँमा कारोबार हुनेछ । यो हालसम्मकै सर्वाधिक बढी मूल्य हो ।
त्यस्तै, यसअघि प्रतितोला १ लाख १५ हजार ४ सय ५० रुपैयाँ पर्ने तेजावी सुनको भाउ आज बढेर १ लाख १६ हजार ४ सय ५० रुपैयाँ पर्नेछ । यता, चाँदीको भाउ प्रतितोला १५ रुपैयाँले बढेको छ । यसअघि प्रतितोला १ हजार ४ सय रुपैयाँमा कारोबार भएको चाँदीलाई आज १ हजार ४ सय १५ रुपैयाँ पर्नेछ ।
अन्तर्राष्ट्रिय बजारमा सुनको मूल्य बढेसँगै नेपाली बजारमा पनि असर परेको महासंघले जनाएको छ ।
