काठमाडौँ / गरिमा विकास बैंक लिमिटेडका ग्राहकले विदेशबाट पनि मोबाईल बैकिङ सुचारु गर्न मिल्न भएको छ ।
हाल रोजगारी, अध्ययन एवं विभिन्न सिलसिलामा विदेशमा रहेका नेपालीहरुको संख्या दिनानुदिन बबढेसँगै नेपालस्थित आफ्नो बैंक खातासम्मको पहुँच पुर्याउने उद्देश्यले बैंकले यस सुविधा उपलब्ध गराएको हो ।
अल्पसङ्ख्यक नेपालीहरु विदेशमा रहँदै गर्दा नेपालस्थित आफ्नो बैंक खातासम्मको पहुँच जस्तैः कारोबार विवरण हेर्न एवं स–साना कारोबार गर्न समेत असहज परिस्थिती रहेको अवस्थामा यस गरिमा विकास बैंकले आफ्ना विदेशमा रहनुहुने ग्राहकहरुको पहुँच हुनेगरी मोबाईल बैकिङ सेवालाई स्तरोन्नती गरेको बैंकले जनाएको छ ।
अब विदेशमा बसि यस विकास बैंक मार्फत मोबाईल बैकिङ सेवा लिन चाहाने ग्राहकहरूले बैंकले तोके बमोजिमका कागजातहरु पुरा गरि यो सेवा लिन सकिने छ । साथै, यो सुविधा लिने ग्राहकले गरिमा डिजि बटुवाकै युजरनेम र पासवर्ड प्रयोग गरी यस विकास बैंकको वेब बैकिङ पनि सजिलै चलाउन सकिने बैंकले जनाएको छ ।
साथै, बैंकले कहिले पनि फोन गरेर वा अरु माध्यमबाट आफ्ना ग्राहकको बैकिङ विवरण (जस्तैः पिन, पासवर्ड, ओटिपि आदि) माग्दैन तसर्थ फोनकल वा मेसेजको भरमा आफ्नो व्यक्तिगत बैकिङ् विवरण अरुलाई नदिन पनि बैंकले अनुरोध गरेको छ ।
