काठमाडौँ / नागरिक लगानी कोषले आर्थिक वर्ष २०८१/८२ मा १ अर्ब २५ करोड रुपैयाँ नाफा कमाएको छ । अघिल्लो वर्षको १ अर्ब १० करोड नाफासँग तुलना गर्दा यस वर्ष १५ करोड रुपैयाँले नाफा बढेको हो।
कोषको अपरिस्कृत वित्तीय विवरण अनुसार ब्याज, सेवाशुल्क, कमिसन र विविध स्रोतबाट १ अर्ब ९ करोड रुपैयाँ आम्दानी भएको छ । व्यवस्थापन खर्च तथा प्रोभिजनका लागि ४२ करोड ४२ लाख रुपैयाँ खर्च गरेपछि आयकर घटाएर उक्त नाफा कायम भएको हो।
हाल कोषको पुँजी ६ अर्ब ४८ करोड रुपैयाँ छ भने विभिन्न योजनामा जम्मा २ खर्ब ९१ अर्ब ८२ करोड रुपैयाँ संकलन भएको छ, जुन अघिल्लो वर्षको भन्दा ४२ अर्बले बढी हो।
संकलित रकममध्ये २ खर्ब ८९ अर्ब रुपैयाँ लगानीमा परिचालन गरिएको छ, जसमा ३१ अर्ब ८२ करोड रुपैयाँ सेयर बजारमा लगानी गरिएको छ।
कोषको प्रतिशेयर आम्दानी १९.३४ रुपैयाँ र प्रतिशेयर नेटवर्थ १६४.२३ रुपैयाँ रहेको छ।
