काठमाडौँ / नयाँ आर्थिक वर्ष २०८२/८३ को पहिलो दिन नेप्से परिसुचक ७५.८४ अङ्कले बढेर १६ अर्बभन्दा बढीको कारोबार भएको छ ।
आज नेप्से सूचक २८७०.६३ अङ्कमा पुगेर रोकिएको हो । यस अघि गत आवको अन्तिम दिन नेप्से परिसूचक २७९४.७८ अङ्कमा पुगेर रोकिएको थियो ।
यस दिन कुल ३११ स्टकको १६ अर्ब ५९ करोड २१ लाख ५ हजार ४५५ रुपैयाँ बराबरको ३ करोड ८६ लाख ३४ हजार ३५० कित्ता सेयर कारोबार भएको छ । अघिल्लो कारोबार दिन १४ अर्ब ३ करोड ४८ लाख ३९ हजार ८८० रुपैयाँ बराबरको ४ करोड ३१ लाख ११ हजार ४१६ कित्ता सेयर कारोबार भएको थियो ।
आज सेन्सेटिभ इण्डेक्स ११.२२ अङ्कले बढेको छ । फ्लोट इण्डेक्स ५.०६ अङ्कले बढेको छ भने सेन्सेटिभ फ्लोट इण्डेक्स भने ३.७९ अङ्कले बढेको छ ।
आज कारोबारमा आएका सबै समूहको परिसूचकमा हरियाली छाएको छ । जसमध्ये सबैभन्दा बढी अन्य समूह ५.०९ प्रतिशतले बढेको छ । त्यस्तै, जीवन बिमा ३.१४ प्रतिशत, लगानी ३.१६ प्रतिशत, हाइड्रो पावर ३.०४ प्रतिशत, वित्त समूह २.८० प्रतिशत, होटल तथा पर्यटन २.६० प्रतिशत, उत्पादन तथा प्रशोधन २.९४ प्रतिशत, लघुवित्त २.५० प्रतिशत र निर्जीवन बिमा २.१८ प्रतिशतले बढेको छ ।
यसैगरी बैंकिङ समूह १.७६ प्रतिशत, विकास बैंक १.९५ प्रतिशत र म्युचुअल फण्ड ०.०४ प्रतिशतले बृद्धि भएको छ । यस दिन ट्रेड टावर लिमिटेड, शुभम् पावर लिमिटेड, थ्रि स्टार हाइड्रोपावर, स्र्टन हाइड्रोपावर र बाराहि हाइड्रोपावरको सेयर मूल्यमा सकारात्मक सर्किट लागेको छ । यससँगै ट्रेड टावर कम्पनीको मूल्य ३६.६० रुपैयाँले बढेर ४०२.७० रुपैयाँमा अन्तिम कारोबार भएको छ ।
शुभम पावर लिमिटेडको सेयर मूल्य प्रतिकित्ता ८३.१४ रुपैयाँले वृद्धि भएर ९१५.४० रुपैयाँमा अन्तिम कारोबार भएको छ । थ्रि स्टार हाइड्रोपावरको सेयर मूल्य पनि प्रतिकित्ता ७३.१० रुपैयाँले बढेर ८०४.८० रुपैयाँमा अन्तिम कारोबार भएको छ ।
त्यसैगरी, स्र्टन हाइड्रोपावरको सेयर मूल्य प्रतिकित्ता ५७.११ रुपैयाँले बढेर ६३३.७२ रुपैयाँमा अन्तिम कारोबार भएको छ र बाराही हाइड्रोपावरको सेयर मूल्य पनि ६९.२९ रुपैयाँले बढेर ८३८.९८ रुपैयाँमा अन्तिम कारोबार भएको छ ।
यसदिन एनआईबीएल स्टेबल फण्डको सेयर मूल्य सबैभन्दा धेरै प्रतिकित्ता ०.७५ रुपैयाँले घटेर ९.१४ रुपैयाँमा अन्तिम कारोबार भएको छ । यसैगरी, एनआइसी एशिया फिलीक्स क्यापिटल फण्डको सेयर मूल्य ०.६३ रुपैयाँले घटेर ९.५२ रुपैयाँमा अन्तिम कारोबार भएको छ ।
यसदिन नेपाल रिइन्स्योरेन्स कम्पनी, बुटवल पावर कम्पनी, सानीमा माइ हाइड्रो पावर, राधी जलविद्युत र नाग्दी ग्रुप पावर लिमिटेडको सेयर सबैभन्दा धेरै कारोबार भएको छ ।
