काठमाडौं/ अख्तियार दुरुपयोग अनुसन्धान आयोगले पोखराका लेखा अधिकृत झलक शर्मा पौडेलविरुद्ध भ्रष्टाचार र गैरकानूनी सम्पत्ति आर्जन गरेको फेला पारेको छ ।
अआयोगका प्रवक्ता राजेन्द्र कुमार पौडेलका अनुसार उनी गण्डकी प्रदेशको भौतिक पूर्वाधार विकास तथा यातायात व्यवस्था मन्त्रालयका लेखा अधिकृत हुन् ।
अख्तियारले मुद्दामा आरोपपत्र दायर गर्दै विषे अदालत पुर्याएको छ ।
अख्तियारका अनुसार झलक शर्मा पौडेलले आफ्नो सेवा अवधि २०५४ सालदेखि २०८० सालसम्मको अवधिमा कुल रु. ३ करोड ३९ लाख ८७ हजार ४ सय ९० रूपैयाँ बराबरको आय आर्जन गरेको देखिएको छ।
तर, सो अवधिमा खर्च र लगानी गरीएको रकम रु. ९ करोड ६६ लाख ८० हजार ६ सय २० भन्दा बढी रहेको पाइएको छ।
यसरी रु. ६ करोड २६ लाख ९३ हजार बराबरको सम्पत्तिको स्रोत पुष्टि हुन नसकेको अख्तियारले भनेको छ ।
निजले अवैध रुपमा सम्पत्ति आर्जन गरेको पुष्टि भएको देखाउँदै अख्तियारले समाएको हो ।
अधिकृत झलक शर्मा पौडेलले आफ्नो पदको दुरुपयोग गरी अमिल्दो र अस्वाभाविक उच्च जीवनस्तर यापन गरेका थिए ।
साथै, निजले वार्षिक सम्पत्ति विवरणमा वास्तविक विवरण लुकाई छिपाई झूठा विवरण पनि पेश गरेको फेला परेको छ ।
त्यस्तै, आर्जन गरिएको सम्पत्तिको केही हिस्सा निजकी पत्नी हुमा कुमारी उपाध्यायको नाममा राखेको पाइएको छ ।
अख्तियारले उनलाई प्रतिवादी बनाएर विशेष अदालत काठमाडौंमा भ्रष्टाचार निवारण ऐनअनुसार मुद्दा दायर गरिएको हो ।
अख्तियार दुरुपयोग अनुसन्धान आयोगका प्रवक्ता राजेन्द्र कुमार पौडेलले जारी गरेको प्रेस विज्ञप्तिमा उक्त जानकारी प्रकाशित गरिएको छ।
