काठमाडौँ / ज्योति विकास बैंक लिमिटेडले संस्थापक समूहको सेयर बिक्रीमा राखेको छ । यो सेयर खरिदका लागि आजदेखि बैंकका विद्यमान संस्थापक सेयरधनीहरूले मात्रै आवदेन दिन पाउने छन् । तर, बैंकले बिक्रीमा राखेको सेयर संख्या भने खुलाएको छैन ।
सेयर खरिद गर्न इच्छुक संस्थापक सेयरधनीहरूले काठमाडौँको कमलपोखरीस्थित बैंकको केन्द्रीय कार्यालयमा आफूले खरिद गर्न चाहेको सेयर सङ्ख्या उल्लेखगरी सूचना प्रकाशित भएको मितिले ३५ दिनभित्र आवेदन दिनुपर्नेछ ।
तोकिएको समयभित्र सेयर खरिदका लागि कुनै आवेदन नआएको खण्डमा अन्य व्यक्ति तथा कम्पनीलाई सेयर बिक्री गर्ने प्रक्रिया अघि बढाइने बैंकले जनाएको छ ।
