काठमाडौँ / माबिलुङ इनर्जी लिमिटेडले आजदेखि आमसर्वसाधारणका लागि आइपिओ (प्रारम्भिक सार्वजनिक निष्कासन) खुला गरेको छ ।
कम्पनीले कुल जारी पूँजीको ४८.९९९८ प्रतिशत अर्थात १५ लाख ४ हजार ७०६ कित्ता साधारण सेयर निष्कासनमा ल्याएको हो ।
कम्पनीले यसअघि आयोजना प्रभावित क्षेत्रका बासिन्दा (सङ्खुवासभा जिल्लाका केही वडा) र वैदेशिक रोजगारमा रहेका नेपालीहरूका लागि क्रमशः १०–१० प्रतिशत सेयर छुट्याएर जारी गरिसकेको छ ।
प्रति कित्ता १०० रुपैयाँ अंकित आइपिओको लाागि न्यूनतम १० कित्तादेखि अधिकतम ५० हजार कित्तासम्म आवेदन दिन सकिनेछ ।
इच्छुक लगानीकर्ताले नेपाल धितोपत्र बोर्डबाट स्वीकृति प्राप्त बैंक तथा वित्तीय संस्थाहरूको आस्वा सेवा प्रयोग गरी वा मेरो सेयरमार्फत आवेदन दिन सक्नेछन् ।
यो आइपिओ छिटोमा साउन २९ गते र ढिलोमा भदौ ९ गतेसम्म खुला रहनेछ भने यसको बिक्री व्यवस्थापक लक्ष्मी सनराइज क्यापिटल लिमिटेड रहेको छ ।
