काठमाडौँ / कालीमाटी फलफूल तथा तरकारी बजार विकास समितिले आज सोमबारको मूल्यसूची प्रकाशित गरेको छ । जसअनुसार आज अधिकांश सागको भाउ बढेको छ भने गोलभेँडा, प्याज, पुदीना, गाजर, कुरीलो, च्याउलगायतका तरकारी र फलफूलको भाउ बढेको छ । 

जसअनुसार आज रायोको सागको भाउ बढेर प्रतिकेजी ८२ रुपैयाँ पुगेको छ भने जिरीको साग ८५ रुपैयाँ, सेलरी ११२ रुपैयाँ ५० पैसा, सौफको साग ११० रुपैयाँ, पुदीना २७० रुपैयाँ र भारतीय सुन्तला ३२० रुपैयाँ कायम गरिएको छ । 

यसैगरी, ठुलो गोलभेँडाको भाउ प्रतिकेजी ६५ रुपैयाँ, लोकल सानो गोलभेँडा ३० रुपैयाँ ५० पैसा, टनेल गोलभेँडा ४४ रुपैयाँ ६७ पैसा, सेतो आलु ३८ रुपैयाँ ५० पैसा, सुकेको प्याज (भारतीय) ३७ रुपैयाँ ५० पैसा, लोकल गाजर ९८ रुपैयाँ ३३ पैसा, हाइब्रीड मूला ४५ रुपैयाँ, लोकल घिउ सिमी ९० रुपैयाँ, टाटे सिमी ६८ रपैयाँ, पिंडालू ६५ रुपैयाँ, स्कूस ३७ रुपैयाँ ५० पैसा र डल्ले च्याउ ४२८ रुपैयाँ ७५ पैसा निर्धारण गरिएको छ । 

त्यस्तै, कुरीलोको भाउ बढेर प्रतिकेजी ३३२ रुपैयाँ ५० पैसा, चुकुन्दर ६५ रुपैयाँ, केरा प्रतिदर्जन १४० रुपैयाँ, जुनार २३५ रुपैयाँ, हाइब्रीड काक्रो २० रुपैयाँ, अदुवा ११० रुपैयाँ, हरियो खुर्सानी ५२ रुपैयाँ ५० पैसा, बुलेट खुर्सानी ४५ रुपैयाँ, अकबरे खुर्सानी २३० रुपैयाँ, हरियो लसुन ८५ रुपैयाँ र छडी ताजा माछाको भाउ प्रतिकेजी २३२ रुपैयाँ ५० पैसा पर्नेछ । 

विस्तृत तालिकामा हेर्नुस्