काठमाडौँ / नेपालका लागि टिभिएस मोटरसाइकलको एक मात्र आधिकारिक वितरक जगदम्बा मोटर्सले नाइमा२०२५ मा टिभिएस रोनिन २२५ को २०२५ संस्करण आकर्षक ‘मिडनाइट ब्लु’ रङ्गमा सार्वजनिक गरेको छ।
यो नयाँ संस्करणले प्रिमियम डिजाइन, बहुप्रयोगी प्रदर्शन, र आधुनिक राइडर–केन्द्रित सुविधाका कारण मोटरसाइकल प्रेमीहरूको ध्यान तानेको छ।
हल बी को स्टल एल३ए मा प्रदर्शन गरिएको यस मोटरसाइकलले अत्याधुनिक प्रविधि, उत्कृष्ट इन्जिनियरिङ् र बहु प्रदर्शन क्षमताको संयोजन गर्दै सहरभित्रको दैनिक यात्रा देखि एड्भेन्चर यात्रा, दुबैमा उपयुक्त बनाएको छ।
यस मोटरसाइकलको मुटुमा रहेको परिष्कृत इन्जिनले स्मुथ टर्क डेलिभरी र थ्रोटलमा उत्कृष्ट रेस्पोन्स दिन्छ। अर्बन र रेन राइडिङ मोड बिच सहज रूपमा स्वीच गर्न मिल्ने यस मोटरसाइकलले विभिन्न सडक र मौसम अवस्थामै पनि विश्वस्त नियन्त्रण दिन्छ।
प्रिमियम विशेषताहरू
SmartXonnect™ ब्लुटुथ जडान, स्मार्टफोनसँग सजिलै जोडिने र नेभिगेसन सहायता दिने
डुअल-च्यानल एबीएस मोडहरू — ब्रेकिङमा थप सुरक्षाका लागि
अपसाइड डाउन (युएसडी) फ्रन्ट फोर्क — राम्रो ह्यान्डलिङ र स्थिरता प्रदान गर्ने
एड्जस्टेबल लिभरहरू — चालकको सुविधाअनुसार मिलाउन सकिने
विशेष राइडिङ मोडहरू — अर्बन र रेन, फरक अवस्थाका लागि अनुकूल
रोनिन २२५ को मिडनाइट ब्लु रङले यसलाई थप आकर्षक बनाएको छ। स्टाइल र परफर्मेन्सलाई बराबरी महत्त्व दिने राइडरहरूका लागि यो एकदमै उपयुक्त मोटरसाइकल बन्न सक्छ।
प्रारम्भिक मूल्य र विक्रेता प्रतिबद्धता
४ लाख ५९ हजार ९०० को प्रारम्भिक मूल्यमा उपलब्ध, यो नयाँ संस्करणले नेपाली राइडरहरूलाई अन्तर्राष्ट्रिय स्तरको मोटरसाइकल प्रदान गर्ने जगदम्बा मोटर्सको प्रतिबद्धतालाई झल्काउँछ।
कम्पनीको बलियो डिलर सञ्जाल, उत्कृष्ट बिक्रीपछिको सेवा, र ग्राहकमैत्री नीतिले यसलाई अझ भरोसायोग्य बनाएको छ।
डिजाइन, प्रविधि र मूल्यको सन्तुलनले सुसज्जित टिभीएस रोनिन २२५ २०२५ संस्करणले अबको प्रिमियम मोटरसाइकल बजारमा नयाँ मापदण्ड स्थापित गर्ने तयारी गरेको छ।
