काठमाडौँ / पूर्वाञ्चल विश्वविद्यालयसँग सम्बन्धन प्राप्त कान्तिपुर सिटी कलेज (केसीसी)को ‘केसीसी एक्जिबेट २०२५’ सुरु भएको छ ।
शुक्रबार सूचना तथा सञ्चार प्रविधि मन्त्री पृथ्वी सुब्बा गुरूङले एक्जिबेटको उद्घाटन गरेका छन् ।
उद्घाटन समारोहमा मन्त्री गुरूङ्ले आइटी क्षेत्रमा जनशक्ति उत्पादनगरी वृद्धि गर्न आवश्यक रहेको बताए । आइटी क्षेत्रमा विश्वका धेरै मूलुकहरू अघि बढिसक्दा पनि नेपाल पछाडि परेको बताउँदै आइटी क्षेत्रमा जनशक्ति व्यस्थापनको कुरा बढि महत्वपूर्ण रहेको धारणा राखे ।
उनले भने, "आइटी क्षेत्रमा जनशक्ति उत्पादनगरी वृद्धि गर्न आवश्यक छ । यसमा विश्वका धेरै मूलुकहरू अघि बढिसकेका छन् । हाम्रोमा धेरै ढिला भइसक्यो । त्यसैले आइटी क्षेत्रमा जनशक्ति व्यस्थापनको कुरा अलि बढि महत्वपूर्ण छ ।"
उनले आर्टिफिसियल इन्टलिजेन्स (एआई) अर्थात् कृत्रिम बौद्धिकताको प्रयोग स्वास्थ्य र शिक्षा क्षेत्रमा गर्नुपर्ने धारणा राखे । जसले समय र खर्च दुबैको बचत मात्र नभएर भ्रष्टाचार नियन्त्रण समेत गर्न सकिने उनको भनाई छ ।
उनले भने, “आर्टिफिसियल इन्टलिजेन्स (एआई) अर्थात् कृत्रिम बौद्धिकताको प्रयोग स्वास्थ्य र शिक्षा क्षेत्रमा गर्नुपर्छ । यसले धेरै कुरामा फाइदा पुग्छ । सरकारी काममा पनि प्रयोग गर्नुपर्छ । त्यो हुन्दा जनताले सेवापनि चाँडो पाउँछन् । एक महिना लाग्ने कुरा एक दिनमा हुन्छ । एक घण्टा लाग्ने कुरा दश मिनेटमा सकिन्छ । भ्रष्टाचारपनि नियन्त्रण हुँदै जान्छ त्यसले गर्दा । भ्रष्टाचार नियन्त्रणको लागि पनि अब एआइको प्रयोग गर्नुपर्ने छ ।”
प्रदर्शनीमा ४० भन्दा बढी विद्यार्थी–नेतृत्वमा आधारित परियोजनाहरू प्रदर्शित गरिने छन् ।
दुईदिने यस प्रदर्शनीमा करिब १० हजार भन्दा बढी दर्शकहरूको सहभागिता अपेक्षा गरिएको छ, जसमा विद्यार्थी, शिक्षक, अभिभावक, उद्यमी, प्रविधि विज्ञ, सञ्चारकर्मी र सर्वसाधारण रहनेछन् ।
