काठमाडौँ / विदेशबाट भित्रिने रेमिट्यान्स साढे १५ प्रतिशतले बढेको छ । नेपाल राष्ट्र बैंकले मङ्गलबार सावर्जजनिक गरेको देशको वर्तमान आर्थिक तथा वित्तिय स्थिति सम्बन्धी तथ्याङ्कले आर्थिक वर्ष (आव) २०८१/८२ को एघार महिनामा रेमिट्यान्स आप्रवाह १५.५ प्रतिशतले वृद्धि भई १५३२ अर्ब ९३ करोड रुपैयाँ पुगेको देखिएको छ ।

अघिल्लो वर्षको सोही अवधिमा रेमिट्यान्स आप्रवाह १७.२ प्रतिशतले बढ़ेको थियो । चालु आर्थिक बषृको जेठ महिनामा मात्रै रेमिट्यान्स आप्रवाह १७६ अर्ब ३२ करोड़ भएको तथ्याङ्क छ । अघिल्लो वर्षको सोही महिनामा यस्तो आप्रवाह १२८ अर्ब ९१ करोड रुपैयाँ Þरहेको थियो ।

समीक्षा अवधिमा अमेरिकी डलरमा रेमिट्यान्स आप्रवाह १२.७ प्रतिशतले वृद्धि भई ११ अर्ब २५ करोड पुगेको छ । अघिल्लो वर्ष यस्तो आप्रवाह १५. २ प्रतिशतले बढ़ेको थियो । समीक्षा अवधिमा खुद द्वितीय आय (खुद ट्रान्सफर) १६६८ अर्ब ३० करोड रुपैयाँ पुगेको छ ।

अघिल्लो वर्षको सोही अवधिमा यस्तो आय १४४३ अर्ब १० करोड़ रहेको थियो । समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत-नयाँ) लिने नेपालीको सङ्ख्या ४ लाख ५२ हजार ३२४ र पुनः श्रम स्वीकृति लिनेको सङ्ख्या ३ लाख ८ हजार ६७ रहेको छ ।

अघिल्लो वर्षको सोही अवधिमा यस्तो सड्ख्या क्रमशः ४ लाख २१ हजार ३५६  र २ लाख ६१ हजार २१० रहेको थियो ।