काठमाडौँ / नेपालका हस्तकला उद्यमी व्यवसायीहरूको प्रतिनिधिमूलक छाता सङ्गठन नेपाल हस्तकला महासंघ र इन्टरनेशनल रिलेसन्स एण्ड ग्लोबल डिप्लोमेसी डाइलग (आइआरजीडीडी)बीच सम्झौता भएको छ ।
नेपाली हस्तकला क्षेत्रको प्रवर्द्धन गर्ने उद्देश्यले असार ४ गते काठमाडौँमा बुधबार आयोजित एक कार्यक्रमकाबीच महासंघ र आइआरजीडीडीबीच आपसी समझदारी पत्रमा हस्ताक्षर भएको हो ।
नेपाल हस्तकला महासंघका अध्यक्ष रबिन्द्र शाक्य र आईआरजीडीडीकी अध्यक्ष तथा पूर्व राजदूत डा. शर्मिला पराजुली ढकालले समझदारी पत्रमा हस्ताक्षर गरेका हुन् ।
उक्त समझदारीबाट नेपालको पहिचान र संस्कृतिको सबांहकको रूपमा रहेको नेपाली हस्तकलालाई विश्वब्यापी ब्राण्डको रूपमा विकास गर्न कुटनीतिक पहल र आवश्यक सहयोग पुग्ने जनाइएको छ ।
त्यसैगरी नेपाली हस्तकलाको प्रवद्र्धन कलाकार कालिगढहरूको क्षमता विकास अध्ययन, अनुसन्धान र नीतिगत संवादलाई अधिकतम प्रभावकारि बनाईने विषयमा पनि दुवै पक्षबाट प्रतिबद्धता जनाइएको छ ।
हस्तकला उद्योग व्यवसाय तुलनात्मक लाभ भएको क्षेत्र भएकोले यसको अधिकतम् प्रतिफल प्राप्त हुनु पर्ने कुरामा दुबै संस्थाको ऐक्यबद्धता रहेको विषय पनि समझ्दारी पत्रमा उल्लेख भएको छ ।
त्यस्तै, हस्तकला क्षेत्रमा सीप र प्रविधिको पुस्तान्तरण चुनौतीपूर्ण रहेकोले यसको सम्बोधनमा पनि दुवै संस्थाले सहकार्य गरि अघि बढ्ने समझदारी भएको छ ।
नेपाली हस्तकला क्षेत्रमा हाल प्रत्यक्ष र परोक्ष गरि ११ लाख व्यक्तिहरू संलग्न रहेका छन् । हाल ३६ विधा अन्तर्गत ८२ प्रकारका हस्तकला वस्तुहरू पहिचान गरिएका छन् । ती वस्तुहरू हाल विश्वका ६० देशमा औपचारिक र अनौपचारिक गरी रु.२२ अर्बको हाराहारीमा निर्यात व्यापार भईरहेको छ ।
सोही रकम बराबरको देश भित्र हुने कारोबार समेत गर्दा यस क्षेत्रले करिब रु. ४४ अर्ब रकम बराबरको राष्ट्रिय अर्थतन्त्रमा योगदान पु¥याई रहेको छ ।
उक्त समझदारी पत्र हस्ताक्षर कार्यक्रममा महासंघका पदाधिकारीहरू र महानिर्देशक लगायतका कर्मचारीहरूको पनि सहभागिता रहेको थियो ।
