काठमाडौँ / गृह मन्त्रालयले प्रमुख जिल्ला अधिकारी (सिडिओ)हरूको व्यापक हेरफेर गरेको छ। मन्त्रालयले १० जिल्लामा कार्यरत सिडिओको सरुवा गर्नुका साथै विभिन्न निकायमा कार्यरत १७ जना सहसचिव र उपसचिवको समेत सरुवा र पदस्थापन गरेको हो।
सरुवाअनुसार गुल्मीका सिडिओ जनार्दन गौतमलाई डडेल्धुरा, गोरखाका पुण्यप्रसाद पौडेललाई बैतडी, र रोल्पाका खिमबहादुर रायमाझीलाई भैरहवा (रुपन्देही) पठाइएको छ।
जुम्लाका रामबहादुर शाही सप्तरीमा, र सल्यानकी सावित्रा पुन डडेल्धुरा सरुवा भएका छन्।
त्यस्तै, सिन्धुलीका लीलाप्रसाद शर्मा, इलामकी कल्पना श्रेष्ठ, बैतडीका दीर्घराज उपाध्याय, डोटीका मोहनराज जोशी, डडेल्धुराका चोमेन्द्र न्यौपाने, र भोजपुरका नरबहादुर थापा गृह मन्त्रालय तानिएका छन्।
मन्त्रालयमा कार्यरत नेत्रप्रसाद सुवेदीलाई सल्यान र बुद्धबहादुर गुरुङलाई डोटीको सीडीओका रूपमा खटाइएको छ।
यस्तै, भैरहवास्थित गौतमबुद्ध अन्तर्राष्ट्रिय विमानस्थल अध्यागमन कार्यालयका प्रमुख अध्यागमन अधिकृत दिनेशकुमार भुसाललाई सिन्धुलीको सिडिओका रूपमा सरुवा गरिएको छ।
