काठमाडौँ / कालीमाटी फलफूल तथा तरकारी बजार विकास समितिले आज बिहीबारको मूल्यसूची प्रकाशित गरेको छ । जसअनुसार प्याज, पुदीना, पार्सलेदेखि च्याउ, आँपलगायतका तरकारी र फलफूलको भाउ बढेको छ ।

आज रातो आलुको भाउ बढेर प्रतिकेजी ४५ रुपैयाँ पुगेको छ भने मुडेको रातो आलु ३८ रुपैयाँ २५ पैसा, सुकेको प्याज (भारतीय) ४४ रुपैयाँ ४० पैसा, लोकल गाजर ८० रुपैयाँ, तराई गाजर ६३ रुपैयाँ ७५ पैसा र तराई काउली ५२ रुपैयाँ ५० पैसा तोकिएको छ ।

यसैगरी, रातो मूलाको भाउ प्रतिकेजी ४७ रुपैयाँ ५० पैसा, लाम्चो भन्टा ३६ रुपैयाँ, डल्लो भन्टा ५१ रुपैयाँ, लाम्चो फर्सी (हरियो) ४६ रुपैयाँ २५ पैसा, सखरखण्ड र पिँडालू प्रतिकेजी ७५ रुपैयाँ, हरियो प्याज २०० रुपैयाँ, राजा च्याउ २९० रुपैयाँ, पार्सले ९०० रुपैयाँ, पुदीना १६५ रुपैयाँ, गुन्द्रुक ३२६ रुपैयाँ कायम गरिएको छ । 

यसैगरी, फूजी स्याउको भाउ प्रतिकेजी ३१४ रुपैयाँ पुगेको छ भने केरा प्रतिदर्जन १४० रुपैयाँ, अनार प्रतिकेजी ३२६ रुपैयाँ ६७ पैसा, मालदह आँप १०१ रुपैयाँ ६७ पैसा, दसहरी आँप १०६ रुपैयाँ २५ पैसा, जुनार २३३ रुपैयाँ ३३ पैसा, लोकल काक्रो ६४ रुपैयाँ, लोकल नासपाती ६१ रुपैयाँ, चाइनिज नासपाती २१६ रुपैयाँ ६७ पैसा, भारतीय मेवा ९२ रुपैयाँ ५० पैसा, सुकेको खुर्सानी ३०० रुपैयाँ, हरियो खुर्सानी ३४ रुपैयाँ, बुलेट खुर्सानी ३१ रुपैयाँ, बुलेट हरियो खुर्सानी ३१ रुपैयाँ र माछे खुर्सानी ८५ रुपैयाँ रहेको छ । 

विस्तृत तालिकामा हेर्नुस्