काठमाडौँ / कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार आज हरियो प्याजको भाउ बढेर प्रतिकेजी १ सय रुपैयाँ पुगेको छ । यसअघि प्रतिकेजी ३० रुपैयाँ ५० पैसा रहेको हरियो प्याज आज किलोमै करिब ७० रुपैयाँ बढेको हो । त्यस्तै, रायोको सागको भाउ बढेर औसत मूल्य प्रतिकेजी ३७ रुपैयाँ ६० पैसा पुगेको छ भने पालूगो साग ४३, तोरीको साग ३८ रुपैयाँ, लाम्चो फर्सी ३६ रुपैयाँ, डल्लो फर्सी ३२ रुपैयाँ, भारतीय ठुलो गोलभेँडा ९६ रुपैयाँ २० पैसा तोकिएको छ । 

यसैगरी, रातो आलुको भाउ प्रतिकेजी ३९ रुपैयाँ २५ पैसा, सुकेको प्याज ४० रुपैयाँ, लोकल गाजर ६८ रुपैयाँ, तराई गाजर ४७ रुपैयाँ ५० पैसा, लोकल बन्दा २८ रुपैयाँ ६० पैसा, लोकल सेतो मूला ३१ रुपैयाँ ६० पैसा, मटरकोशा १५० रुपैयाँ, घिउ सिमी ४८ रुपैयाँ, राजमा सिमी १२८ रुपैयाँ, हरियो फर्सी (लाम्चो) ३६ रुपैयाँ र डल्लो ३२ रुपैयाँ पर्ने मूल्यसूचीमा उल्लेख छ । 

त्यस्तै, सिताके च्याउ प्रतिकेजी ८६० रुपैयाँ, कुरीलो २९० रुपैयाँ, रातो बन्दा ६७ रुपैयाँ, जिरीको साग ९८ रुपैयाँ, ग्याठ कोबी ५८ रुपैयाँ, सेलरी ११७ रुपैयाँ ५० पैसा, सौफको साग ९३ रुपैयाँ, तामा ९८ रुपैयाँ, झोले स्याउ २४५ रुपैयाँ, फूजी स्याउ २८२ रुपैयाँ, मालदह आँप ६२ रुपैयाँ ५० पैसा, हरियो तरबुजा ३६ रुपैयाँ ३३ पैसा, भुई कटहर १७४ रुपैयाँ, मौसम १९३ रुपैयाँ ३३ पैसा, हरियो खुर्सानी ३८ रुपैयाँ र हरियो धनिया ४२ रुपैयाँ पर्ने कालीमाटी तरकारी बजारले जनाएको छ ।

विस्तृत तालिकामा हेर्नुस्