काठमाडौँ / सरकारले आगामी आर्थिक बर्षमा सहरी तथा संवदेनशील भूबनोट भएको क्षेत्रमा आरसीसी ढलानसहितको सडक निर्माण गर्ने भएको छ । आगामी आर्थिक बर्षको बजेट सार्वजनिक गर्दै अर्थमन्त्री विष्णुप्रसाद पौडेलले स्वदेशी निर्माण सामाग्रीको खपत बढ्ने र सडक पूर्वाधार टिकाउ हुने भएकोले आरसीसी ढलानसहितको सडक निर्माण गरिने बताएका हुन् ।
उनले भने, “सहरी तथा संवदेनशील भूबनोट भएको क्षेत्रमा गुणस्तरीय र दिगो सडक निर्माण गर्न सिमेन्ट, छड र गिट्टी र बालुवा प्रयोग गरी आरसीसी ढलानसहितको कालोपत्रे गरिनेछ ।”
यसबाट स्वदेशी निर्माण सामाग्रीको खपत बढ्ने र सडक पूर्वाधार टिकाउ हुने उनले बताए ।
