आज बिहान बैतडीको खलङ्गा क्षेत्र केन्द्रबिन्दु बनाएर दुईपटक भूकम्प गएको छ। सुर्खेतस्थित भूकम्प मापन केन्द्रका प्रमुख चिन्तन तिमल्सिनाका अनुसार पहिलो भूकम्प बिहान १ः४८ बजे पाँच दशमलव एक रेक्टर स्केल र दोस्रो भूकम्प २ः०० बजे तीन दशमलव सात रेक्टर स्केलको मात्रामा गएको थियो।
लगातार कम्पन महसुस भएपछि स्थानीयबासीहरू घर बाहिर निस्किएका थिए। भूकम्पको धक्का नजिकका दार्चुला, बझाङ र डडेल्धुरामा पनि अनुभव गरिएको छ।
स्थानीय जनप्रतिनिधिहरूले भूकम्पबाट क्षतिको विवरण सङ्कलन गरिरहेको जानकारी दिएका छन्। अहिलेसम्म मानवीय क्षतिको खबर नआए पनि केही पुराना घरहरूमा चर्किने समस्या देखिएको छ।
