आज विक्रम सम्वत २०८२ वैशाख ७ गते, आइतबार, तदनुसार ईश्वी सन् २०२५ अप्रिल २० तारिख, नेपाल संवत् ११४५, वैशाख कृष्णपक्ष सप्तमी तिथि, पूर्वाषाढा नक्षत्र, सिद्ध योग, आनन्दादिमा-शुभ योग, चन्द्रराशि-धनु, दिउसो २ बजेर ५ मिनेट उप्रान्त मकर । 

मेष (चु, चे, चो, ला, लि, लु, ले, लो, अ)
बित्तीय क्षेत्रमा गरेको लगानीबाट नाफा कमाउन सकिनेछ। धनधान्य तथा सुखमा बृद्धि हुनेछ। अभाव टार्दैमा समय बित्ने स्थिति देखिए पनि प्रयत्न गर्दा लक्ष्यमा पुग्न सफलता मिल्नेछ। सामाजिक कामले अवसर दिलाउने सम्भावना छ, जसले भविष्यका लागि कर्मनिश्चय गर्न सहयोग पुर्‍याउनेछ। आर्थिक पक्षमा सकारात्मक संकेत देखिन्छ, फलस्वरूप समृद्धि सम्भव छ।

वृष (इ, उ, ए, ओ, बा, बि, बु, बे, बो)
व्यापारमा उल्लेख्य वृद्धि हुने सम्भावना छ। वैदेशिक रोजगारका लागि नयाँ बाटो खुल्नेछ, जसले आर्थिक सम्भावनामा सकारात्मक प्रभाव पार्नेछ। दिउँसोपछिको समय लाभदायक रहँदै आर्थिक पक्षमा सुधार ल्याउने संकेत छन्। न्यून पारिश्रमिकमा चित्त बुझाउनुपर्ने भए पनि लगनशीलताले भविष्यमा राम्रो उपलब्धि दिलाउनेछ। मिहिनेतले सफलताको उचाइमा पुर्‍याउनेछ र आर्थिक लक्ष्य नजिकिनेछ।

मिथुन (का, कि, कु, घ, ङ, छ, के, को, ह)
आफन्त तथा मावली पक्षबाट आर्थिक सहयोग प्राप्त हुनेछ। धनलाभ हुने तथा विभिन्न भौतिक वस्तुहरू जुटाउन सकिनेछ। नयाँ अनुबन्धहरू लाभदायक सिद्ध हुनेछन्। यद्यपि व्यापारमा मन्दी र घाटाको सम्भावना रहेकोले सतर्कता आवश्यक छ। प्रतीक्षित नतिजा कमजोर देखिनाले दोहोर्याएर काम गर्नुपर्ने हुन सक्छ। अर्थहानिको योग रहेकाले आर्थिक निर्णयमा सजग हुनुपर्ला।

कर्कट (हि, हु, हे, हो, डा, डि, डु, डे, डो)
पर्यटन व्यवसायबाट सामान्य धन आर्जन हुनेछ भने वैदेशिक रोजगारले दैनिकी सहज बनाउनेछ। सबैजना सहभागी हुने व्यापार व्यवसायमा लगानी गर्दा प्रशस्त नाफा कमाउन सकिनेछ। रोकिएका काम बनेर मनग्य लाभ हुने सम्भावना छ। नयाँ आर्थिक योजनाहरू शुभारम्भ हुनेछन् जसबाट आर्थिक लाभ मिल्नेछ। फजुल खर्चबाट बच्न बच्नुहोस्, किनभने मनोरञ्जनको क्षेत्रमा खर्च बढ्ने देखिन्छ । 

सिंह (मा, मि, मु, मे, मो, टा, टि, टु, टे)
शिक्षा क्षेत्रसँग सम्बन्धित कामबाट मनग्गे आम्दानी हुनेछ। नयाँ काम पाउने र नोकरीमा बढुवा हुने योगले आर्थिक उन्नति ल्याउनेछ। दिउँसोपछि नयाँ कामतर्फ अग्रसर भइनेछ र आम्दानीका स्रोतहरू बढ्ने संकेत छन्। प्रतिस्पर्धामा सफलता मिल्नेछ भने मिहिनेतले प्रतिष्ठित कामबाट लाभ लिन सकिनेछ। बुद्धिको सही प्रयोगले लक्ष्य प्राप्त भई आर्थिक सन्तुलन मजबुत हुनेछ।

कन्या (टो, प, पि, पु, ष, ण, ठ, पे, पो)
मध्यान्हपछि सवारी साधनको व्यापार व्यवसाय सुरु गर्दा राम्रो नाफा कमाउन सकिनेछ। आम्दानीका स्रोतहरू बढ्ने संकेत छन्, विशेष गरी बुद्धिको उपयोगबाट लक्ष्य प्राप्त हुने सम्भावना छ। पारिवारिक आवश्यकतामा धन खर्च भए पनि आमा तथा आफन्तको सल्लाहले सुधारात्मक काममा सहयोग पुग्नेछ। तत्कालको फाइदा हेर्दा समस्यामा नपर्न सावधानी अपनाउनुपर्छ। आर्थिक निर्णयमा सतर्कता आवश्यक रहनेछ।

तुला (र, रि, रु, रे, रो, ता, ति, तु, ते)
नयाँ कामबाट मनग्गे धन तथा सम्पत्ति जोड्न सकिनेछ। उद्योग र व्यापार व्यवसाय फस्टाउने संकेत छन्, विशेष फाइदा प्राप्त हुनेछ। कर्मयोगले आर्थिक जीवनमा नयाँ मोड ल्याउनेछ भने मिहिनेतले नाम, दाम र इनाम तीनवटै दिलाउनेछ। कार्यक्षेत्रमा भाग्यले नयाँ अवसर दिलाउनेछ, र गरिएका कर्मको उचित प्रतिफल प्राप्त हुनेछ। प्रक्रिया नमिल्नाले काम दोहोर्याउनुपरे पनि आर्थिक प्रगति सम्भव देखिन्छ।

वृश्चिक (तो, ना, नि, नु, ने, नो, या, यि, यु)
आर्थिक पक्ष सामान्य रहने भए पनि उद्योग र व्यापार व्यवसायमा लगानी गरेर नाफा कमाउन सकिनेछ। दिगो कामको प्रारम्भले आम्दानीका स्रोत बढाउनेछ। छोटो दुरीको यात्रा र विभिन्न भौतिक सुविधाका वस्तुहरू जुटाउन सकिनेछ। माया प्रेममा गाठो कसिलो हुनेछ भने दाम्पत्य जीवनमा खुशी छाउनेछ। कार्यक्षेत्रमा पराक्रम बढेर जानेछ र ईष्टमित्रबाट सहयोग प्राप्त हुनेछ। नगद जुट्नाले दैनिकीमा सकारात्मक परिवर्तन ल्याउनेछ।

धनु (ये, यो, भ, भि, भु, ध, फा, ढ, भे)
गीत, संगीत, कला, र साहित्यमा समय दिनेहरुले मनग्गे लाभ लिन सक्नेछन्। व्यापार व्यवसायमा फस्टाउने र आम्दानीका नयाँ बाटाहरू खुल्नेछन्। बौद्धिक क्षेत्र, विशेष गरी अध्ययन र अनुसन्धानमा प्रगति हुनेछ र तपाइँको ज्ञानको सबैले सम्मान गर्नेछन्। कार्यक्षेत्रमा उच्च अधिकारीबाट प्रशंसा मिल्नेछ, र राजनीति तथा सामाजिक क्षेत्रमा प्रभाव बढ्नेछ। घर र सवारी साधनको मरम्मतमा धन खर्च हुनेछ। रचनात्मक कार्य शुभारम्भ गर्ने अवसर प्राप्त हुनेछ, र पारिवारिक जमघटमा स्वादिष्ट भोजनको आनन्द पनि हुनेछ।

मकर (भो, ज, जि, खि, खु, खे, खो, गा, गि)
अध्ययनमा सुधार आउँदा बौद्धिक क्षेत्र फराकिलो हुनेछ । प्रतिस्पर्धामा सुधार आउनेछ । व्यवसायमा फस्टाएर लगानीको नयाँ वातावरण बन्नेछ र आम्दानी वृद्धि हुनेछ। जुझारु कार्यशैलीले लक्ष्य प्राप्ति सहज बनाउनेछ । पुरानो मित्रसँग आकस्मिक भेटघाट हुनेछ। दिउँसोबाट परिस्थितिहरू अनुकूल बन्नेछन् र महत्त्वाकांक्षी कामहरूमा सफलता प्राप्त हुनेछ। तर, सुरूमा खर्च बढी र अर्थअभावले केही समस्या ल्याउन सक्छ। यात्रा सम्भावना छ र ज्ञान, कला र व्यक्तित्वको निखारका लागि उपयुक्त समय रहेको छ।

कुम्भ (गु, गे, गो, सा, सि, सु, से, सो, द)
आर्थिक क्रियाकलापहरू फस्टाएर मनग्गे आम्दानी हुनेछ। बुवाको धन परिचालन गरेर लाभ लिन सकिनेछ र शिक्षा क्षेत्रमा लगानी गर्ने अवसर प्राप्त हुनेछ। दाजुभाईको सहयोगले सवारी साधन जोड्न सकिनेछ भने प्रेम र मित्रतामा आत्मियता बढ्नेछ। व्यापार व्यवसायमा लाभको सम्भावना छ र आम्दानीका नयाँ स्रोत फेला पर्नेछन्। यद्यपि खर्च बढ्ने र अर्थ संग्रहमा केही बाधा आउने सम्भावना देखिन्छ। व्यापारिक प्रयासमा दिगो काम प्रारम्भ गर्न सकिनेछ र गरिएका कर्मको उचित प्रतिफल प्राप्त हुनेछ।

मीन (दि, दु, थ, झ, ञ, दे, दो, च, चि)
सामाजिक र राजनीतिक क्षेत्रमा रुचि बढ्नेछ, जसले मानसम्मान र प्रतिष्ठामा वृद्धि गर्नेछ। लगानीबाट फाइदा हुने योग छ, र कृषि तथा पशुपालनमा गरिएको लगानीबाट मनग्गे धन आर्जन गर्न सकिनेछ। कार्यक्षेत्रमा अतिरिक्त जिम्मेवारी मिल्नेछ र व्यापार व्यवसाय फस्टाएर जानेछ। पिताको स्वास्थ्यमा चिन्ता रहन सक्छ। मिडिया र चलचित्रको क्षेत्रमा सफलता मिल्नेछ। कीर्तिमानी कामको यशले लोकप्रियता ल्याउनेछ र कर्मयोगले आम्दानी बढाउनेछ। पुराना समस्याहरू सुल्झाएर नयाँ अवसरहरू प्राप्त हुनेछन्।