काठमाडौंमा एकदिने दक्षिण एसियाली किसान सम्मेलन हुने भएको छ।
खाद्य सम्प्रभुताको प्राप्ति, जलवायु न्याय र किसान अधिकारको सुनिश्चितता सम्मेलनको नारा सहित उक्त सम्मेलन हुन लागेको हो ।
बिहीबार काठमाडौँको गौशालस्थित एक होटेलमा (कृस्टल पशुपति) मा पाँचौँ दक्षिण एशियाली किसान सम्मेलन हुने आयोजकले जनाएको छ ।
सम्मेलनमा दक्षिण एसियाका किसान संगठनका एकसय ५० बढी किसान नेता, अभियन्ता र अधिकारकर्मीको सहभागिता रहने अखिल नेपाल किसान महासंघका अध्यक्ष डा. प्रेम दंगालले बताएका छन् ।
