काठमाडौँ / कालीमाटी फलफूल तथा तरकारी बजार विकास समितिले आज मङ्गलबारको लागि मूल्यसूची प्रकाशित गरेको छ । जसअनुसार आज ठुलो (नेपाली) गोलभेँडाको औसत मूल्य प्रतिकेजी ६० रुपैयाँ, सानो गोलभेँडा (टनेल) २७ रुपैयाँ ५० पैसा, रातो आलु ४४ रुपैयाँ, भारतीय रातो आलु ३१ रुपैयाँ ७५ पैसा, सेतो आलु ३९ रुपैयाँ, सुकेको प्याज ३९ रुपैयाँ, लोकल गाजर ९५ रुपैयाँ, तराई गाजर ८५ रुपैयाँ, लोकल बन्दा २८ रुपैयाँ ७५ पैसा, स्थानीय काउली ६० रुपैयाँ निर्धारण गरिएको छ । 

तराई काउली प्रतिकेजी ४५ रुपैयाँ, रातो मूला ४२ रुपैयाँ ३३ पैसा, सेतो लोकल मूला २५ रुपैयाँ, लाम्चो भन्टा १५ रुपैयाँ, तने बोडी २२ रुपैयाँ ५० पैसा, मकै बोडी ५५ रुपैयाँ, लोकल घिउ सिमी ३९ रुपैयाँ, हाइब्रीड सिमी, तराई परवर, र भिण्डी प्रतिकेजी ३५ रुपैयाँ, राजमा घिउ सिमी १०५ रुपैयाँ, टाटे सिमी, पिँडालू र सलगम प्रतिकेजी ६५ रुपैयाँ कायम गरिएको छ । 

यसैगरी, भटमासकोशा प्रतिकेजी १२५ रुपैयाँ, तितो करेला १४ रुपैयाँ ३३ पैसा, लौका, चिचिण्डो र लाम्चो हरियो फर्सी २० रुपैयाँ, घिरौला २७ रुपैयाँ ५० पैसा, झिगुनी र पाकेको फर्सी ४५ रुपैयाँ, सखरखण्ड, पालूंगो साग ७५ रुपैयाँ, रायोको साग र तोरीको साग ५५ रुपैयाँ तोकिएको छ । 
विस्तृत तालिकामा हेर्नुस्