काठमाडौँ / हिमालयन बैंक लिमिटेडले नजिक भएका शाखा सञ्जालहरूमध्ये न्यूरोड शाखा – २ लाई स्थानान्तरण गरेको छ । बैंकले उक्त शाखा स्थानान्तरण गरी काठमाडौँ महानगरपालिका वडा नं २७, ठमेल, काठमाडौँस्थित सञ्चय कोष भवनबाट ठमेल शाखाको नामबाट सम्पूर्ण बैंकिङ सेवा प्रदान गर्ने गरी सञ्चालनमा ल्याएको हो ।
आइतबार एक कार्यक्रमकाबिच बैंकका प्रमुख कार्यकारी अधिकृत अशोक शम्सेर राणाले अन्य उच्चपदस्थ कर्मचारीहरू तथा अतिथिहरूको उपिस्थतिमा उक्त शाखाको शुभारम्भ गरेका छन् ।
हाल बैंकले नेपाल भरी फैलिएका १७४ शाखा कार्यालयहरू, २० विस्तारित काउन्टर, २८६ एटिएम, ८ हजारभन्दा बढी पिओएस टर्मिनल र १५ हजारभन्दा बढी विप्रेषण भुक्तानी केन्द्रहरूबाट आफ्ना ग्राहकहरूलाई विभिन्न बैंकिङ्क सेवा प्रदान गर्दै आएको छ ।
