काठमाडौँ / नेपाल बैंक लिमिटेडमा कार्यरत कर्मचारीहरू र बैंकमा खाता रहेका ग्राहकहरूले सुजुकी गाडी खरिदमा विशेष छुट पाउने भएका छन् । जेठ २२ गते नेपालको पहिलो बैंक नेपाल बैंकले सुजुकी गाडीको अधिकृत विक्रेता न्यान्सी अटोमोवाइल्स प्रा.लि.बाट गाडि खरिद गर्दा लाग्ने शुल्कमा विशेष छुट प्रदान गर्ने सम्बन्धी सम्झौता भएको हो ।
सो सम्झौता बमोजिम नेपाल बैंक लिमिटेडमा कार्यरत कर्मचारीहरू र बैंकमा खाता रहेका ग्राहकहरूले ल्न्यान्सी अटोमोवाइल्सबाट सुजुकी ब्राण्डका विभिन्न मोडेलका गाडि खरिद गर्दा कम्पनीबाट प्रदान गरिएको छुट बाहेक हुन आउने गाडिको खरिद रकममा थप ३० हजार रुपैयाँदेखि १ लाख ७५ हजार रुपैयाँसम्म छुट पाउने व्यवस्था गरिएको छ ।
सम्झौता पत्रमा बैकको तर्फबाट प्रमुख वित्त अधिकृत प्रकाश कुमार अधिकारी र न्यान्सी अटोमोवाइल्सको तर्फबाट प्रबन्ध निर्देशक मधुकर शाहले हस्ताक्षर गरे ।
