काठमाडौँ / कालीमाटी फलफूल तथा तरकारी बजारको मूल्यसूची अनुसार चाडपर्व नजिकिएसँगै तरकारी र फलफूलको भाउ बढेको छ । आज ठुलो नेपाली गोलभेँडाको भाउ बढेर प्रतिकेजी ८४ रुपैयाँ पुगेको छ भने रातो आलु ५० रुपैयाँ ५० पैसा, भारतीय रातो आलु ३० रुपैयाँ, मुडेको रातो आलु ४४ रुपैयाँ ८० पैसा, लोकल बन्दा ३० रुपैयाँ ८० पैसा, स्थानीय काउली ११४ रुपैयाँ, तराई काउली ९६ रुपैयाँ, हाइब्रीड सेतो मूला ४७ रुपैयाँ ४० पैसा कायम गरिएको छ । 

यसैगरी लाम्चो भन्टा प्रतिकेजी ४४ रुपैयाँ, डल्लो भन्टा ५६ रुपैयाँ, तने बोडी ११० रुपैयाँ, लोकल सिमी ११४ रुपैयाँ, हाइब्रीड घिउ सिमी १०५ रुपैयाँ, भटमासकोशा ११४ रुपैयाँ, तितो करेला ६८ रुपैयाँ, लौका ७२ रुपैयाँ, चिचिण्डो ४९ रुपैयाँ, घिरौला ५५ रुपैयाँ, रायोको साग ११९ रुपैयाँ, तोरीको साग ८५ रुपैयाँ, कन्य च्याउ २२४ रुपैयाँ, डल्ले च्याउ ४७० रुपैयाँ, सेलरी १४२ रुपैयाँ ५० पैसा, पार्सले १३०० रुपैयाँ, गुन्द्रुक २७६ रुपैयाँ ६७ पैसा, भारतीय सुन्तला ३२८ रुपैयाँ, हरियो तरबुजा ७४ रुपैयाँ, नेपाली मेवा ४६ रुपैयाँ २५ पैसा, अकबरे खुर्सानी २३० रुपैयाँ र राजा च्याउ २९० रुपैयाँ निर्धारण गरिएको छ । 
विस्तृत तालिकामा हेर्नुस्