आज विक्रम संवत २०८२ साल जेठ १ गते, बिहीबार, ईश्वी सन् २०२५ मे १४ तारिख, नेपाल संवत् ११४५, सिद्धार्थी संवत्सर, उत्तरायणं, वसन्त ऋतु, श्रीशाके १९४७, जेष्ठ कृष्णपक्ष, तृतीया तिथि, ज्येष्ठा नक्षत्र, चन्द्रराशि-बृश्चिक । 

मेष (चु, चे, चो, ला, लि, लु, ले, लो, अ)
आर्थिक दृष्टिकोणले सुरुवाती खर्च भए पनि दीर्घकालीन लाभ दिने अवसर प्राप्त हुन सक्छ। लगानी सोचविचार गरी गर्नु लाभदायक हुनेछ। व्यापारमा झुटो आरोपको सम्भावना देखिएकाले सावधानी अपनाउनुहोस्। चुनौतीपूर्ण योजनामा तुरुन्त हात हाल्नुको सट्टा प्रतिक्षा गर्नु उपयुक्त हुनेछ। शुभचिन्तकको साथले आर्थिक निर्णयमा सकारात्मक प्रभाव पार्न सक्छ।

वृष (इ, उ, ए, ओ, बा, बि, बु, बे, बो)
आर्थिक रूपमा आम्दानीका नयाँ स्रोत खुल्नेछन् र ऋणमोचनको सम्भावना बलियो देखिन्छ। खर्च पनि बढ्न सक्छ, विशेषगरी आकस्मिक कारणले। दिगो आम्दानी दिने काम सुरु हुने संकेत छ। तर आफ्नै मेहनतबाट अरूले फाइदा उठाउने सम्भावनाले सतर्क रहनु पर्छ। जोखिमपूर्ण लगानीले भविष्यमा लाभ दिन सक्छ, सोचविचार गरेर अघि बढ्नुहोस्।

मिथुन (का, कि, कु, घ, ङ, छ, के, को, ह)
आर्थिक क्षेत्र सशक्त रहनेछ। अनुबन्ध र सम्झौताबाट भविष्यमा लाभ मिल्नेछ। मेहनतबाट आम्दानीका नयाँ स्रोत खुल्नेछन् भने साथीभाइको सहयोगले फाइदा बढ्नेछ। मध्याह्नदेखि आम्दानीमा वृद्धि देखिन्छ। तर आकस्मिक खर्च र सरसापटका कारण धन बाहिरिन सक्छ, सतर्क रहनुहोस्। अनुभवीको सल्लाह लिएर मात्र लगानी गर्नु उचित हुनेछ।

कर्कट (हि, हु, हे, हो, डा, डि, डु, डे, डो)
आर्थिक पक्ष सबल रहनेछ। पेसा–व्यवसायमा लाभ मिल्नेछ र प्रयासले नयाँ आर्थिक अवसर खुल्नेछन्। दैनिकीमा सकारात्मक परिवर्तन आउन सक्छ। मध्याह्नपछि सहयोग प्राप्त हुने र पदीय जिम्मेवारी बढ्ने संकेत छन्। सामाजिक उत्तरदायित्व बहन गर्दा प्रतिष्ठासँगै आर्थिक फाइदा पनि हात पर्नेछ। खर्चभन्दा आम्दानी बलियो हुने सम्भावना छ।

सिंह (मा, मि, मु, मे, मो, टा, टि, टु, टे)
आर्थिक दृष्टिले मिश्रित समय रहेको देखिन्छ। सुरुवातमा स्वास्थ्य र बोलीको कारणले काममा बाधा आउन सक्छ। तर मध्याह्नपछि धनलाभको योग छ। समाजमा प्रतिष्ठा बढ्नेछ र गुमाएको आर्थिक अवसर पुनः प्राप्त हुन सक्छ। रचनात्मक कामले फाइदा ल्याउनेछ भने पारिवारिक सहयोगले आर्थिक कार्यमा सहजीकरण हुनेछ। सतर्कता र धैर्य अपनाउनु उपयुक्त हुनेछ।

कन्या (टो, प, पि, पु, ष, ण, ठ, पे, पो)
परिस्थितिलाई आफ्नो अनुकूल बनाउन सक्नुहुनेछ। सुरुमा आम्दानीको संभावना र भौतिक साधन प्राप्तिको योग रहे पनि मध्याह्नपछि खर्च बढ्नेछ। स्वास्थ्य–उपचारमा खर्च हुन सक्छ र अर्थ अभावले दबाव सिर्जना गर्न सक्छ। आफ्नो मेहनतको फाइदा अरूले नलिऊन् भनेर सतर्क रहनुहोस्। योजनाबद्ध ढंगले अघि बढेमा परिस्थितिलाई अनुकूल बनाउन सकिनेछ।

तुला (र, रि, रु, रे, रो, ता, ति, तु, ते)
सञ्चित धन वृद्धि हुनेछ। आय आर्जनका नयाँ स्रोतहरू फेला पर्नेछन् र सञ्चित धनमा वृद्धि हुनेछ। पेसा–व्यवसायबाट मनग्य फाइदा मिल्नेछ। दिगो लाभ हुने काम सुरु हुन सक्छ। प्रतिस्पर्धामा सफलता मिल्नेछ भने भौतिक साधन जुट्नेछन्। अधिकार र प्रतिष्ठा कायम रहनेछ, प्रयासले ठूला उपलब्धि दिलाउनेछ। भौतिक साधन जुट्नेछन् र दिगो फाइदा हुने काम सुरु हुन सक्छ। 

वृश्चिक (तो, ना, नि, नु, ने, नो, या, यि, यु)
यो साता आर्थिक मामिलामा सतर्कता आवश्यक छ, यद्यपि मिहिनेतले दिगो फाइदा हुने काम सुरु गर्न सकिनेछ। बिहानको समय लाभदायक रहनेछ भने नयाँ कामतर्फ अग्रसर भइने संकेत छन्। सामाजिक प्रतिष्ठा र कार्यक्षेत्रमा सम्मान प्राप्त हुनेछ। थोरै लाभबाटै दीर्घकालीन सफलता सुनिश्चित गर्न सकिनेछ। भौतिक साधन जुट्ने सम्भावना पनि देखिन्छ। मिहिनेतले राम्रै प्रतिफल दिलाउनेछ।

धनु (ये, यो, भ, भि, भु, ध, फा, ढ, भे)
कार्यक्षेत्रमा ढिलासुस्तीले लाभ घट्न सक्छ, र जोखिमपूर्ण निर्णयबाट टाढा रहनु बुद्धिमानी हुनेछ। आश्वासनमा भर नपरी सोचविचार गरेर मात्र खर्च वा लगानी गर्नुहोस्। तर मध्याह्नपछि स्थितिमा सुधार आउनेछ। रचनात्मक काम र बुद्धिको प्रयोगले आर्थिक फाइदा दिलाउनेछ। प्रतिस्पर्धामा अग्रता लिने अवसर पनि प्राप्त हुनेछ। रचनात्मक कार्यमा जुट्दा मनग्य फाइदा उठाउन सकिनेछ।

मकर (भो, ज, जि, खि, खु, खे, खो, गा, गि)
व्यापार–व्यवसायमा आफ्नो जिम्मेवारी पूरा गर्नुहोस् र धैर्य राख्नुपर्छ। अवसरवादीबाट बच्न सावधानी अपनाउनु होला। छोटो समयमा लाभ मिल्ने सम्भावना छ। भौतिक साधन जुटाउने मौका छ भने प्रतिस्पर्धीलाई पछि पार्न सकिनेछ। मेहनत निरन्तरता राख्नुपर्छ, आँटिएका काममा ध्यान दिन आवश्यक छ। पेसा–व्यवसायमा धेरै फाइदा लिन दोहोर्याएर प्रयास गर्नुहोला । 

कुम्भ (गु, गे, गो, सा, सि, सु, से, सो, द)
सफलता र मनग्य धनलाभका योग छ। कार्यक्षेत्रमा साथिभाइको सहयोगले प्रभाव बढ्नेछ। लगनशीलता र विचारले धेरैलाई प्रभावित पार्नेछन्। मध्याह्नपछि सहयोग थपिएर दिगो योजना र व्यापारमा फाइदा आउनेछ। बोलीको भरमा काम बन्ने र प्रतीक्षित नतिजाले उत्साह जगाउने समय छ। नयाँ लाभदायक काम सुरु गर्न उपयुक्त समय छ।  विचारले धेरैलाई प्रभावित पार्न सकिनेछ।

मीन (दि, दु, थ, झ, ञ, दे, दो, च, चि)
बुद्धिको प्रयोगले रोकिएको काम सफल हुनेछ। सेवामूलक क्षेत्रमा लाभ मिल्नेछ। प्रयास गर्दा नयाँ अवसरहरू खुल्नेछन् र दैनिकीमा सकारात्मक परिवर्तन आउनेछ। सानो मेहनतले ठूलो फाइदा दिलाउनेछ। दीर्घकालीन लाभ दिने योजना बनाउन सकिनेछ। तार्किक क्षमता र बोलीले मानसम्मान र आर्थिक फाइदा दिलाउने समय छ। सेवामूलक कार्यबाट धन लाभ हुनेछ।