वाईफाई नेपाल प्रा.लि. ले उच्चगतिको १०० Mbps फाइबर इन्टरनेट सेवा डुअल ब्यान्ड राउटरसहित अत्यन्त किफायती मूल्यमा सार्वजनिक गरेको छ।
डिजिटल युगको बढ्दो आवश्यकतालाई मध्यनजर गर्दै कम्पनीले यो सेवा नेपाली घरपरिवार र साना व्यवसायहरूका लागि विशेष रूपमा डिजाइन गरेको हो।
हालसम्म ५० Mbps र ८० Mbps सेवा प्रदान गर्दै ७०,००० भन्दा बढी सन्तुष्ट ग्राहकहरूलाई सेवा दिँदै आएको वाईफाई नेपालले नयाँ योजना अन्तर्गत १२ महिनाका लागि रु. ९,४६९ र २४ महिनाका लागि रु. १५,७०७ मा सेवा उपलब्ध गराउने भएको छ, जुन मूल्यमा भ्याट समेत समावेश छ र अतिरिक्त कुनै शुल्क लाग्दैन। वाईफाई नेपालका प्रमुख कार्यकारी अधिकृत शत्रुन विजयारका अनुसार कम्पनीको उद्देश्य सबै नेपालीलाई छिटो, भरपर्दो र सुलभ इन्टरनेट सेवा उपलब्ध गराउनु हो।
कम्पनीले ग्राहक सन्तुष्टि, सेवा विश्वसनीयता र डिजिटल पहुँचको सशक्तीकरणमा निरन्तर अग्रसर हुने प्रतिबद्धता जनाएको छ।
