मुगु / मुगुस्थित रारा तालको किनारमा अवस्थित एक होटेलमा गए राति आगलागी हुँदा चारवटा भवन जलेर नष्ट भएका छन् । बुधबार राती १२ बजे रारा तालको किनारमा रहेको डाँफे होटेलमा आगलागी हुँदा करोडौँको क्षति भएको हो ।
जिल्ला प्रहरी कार्यालय, मुगुका अनुसार नेपाली सेना, कर्मचारी, नेपाल प्रहरी र सशस्त्र प्रहरी बलले आज बिहान आगो नियन्त्रणमा लिएका थिए । आगलागीको जानकारी प्राप्त हुनासाथ जिल्ला सदरमुकाम गमगढीबाट प्रहरी नायब निरीक्षक दीपक केसीको नेतृत्वका १५ जना प्रहरी टोली रारा पुगेको थियो ।
।
आगलागीबाट होटेलका सबै भवनसहित ९४ वटा बेड विस्तारा, किचनका सरसामान सबै जलेर खरानी भएका छन् । मानविय क्षति भने नभएको प्रहरीले जनाएको छ । थप क्षतिको बिवरण आउन बाँकी छ ।
