काठमाडौँ / नेशनल लघुवित्त वित्तीय संस्था लिमिटेडले साढे ६२ हजार कित्ता संस्थापक शेयर भदौ २९ गतेदेखि विक्रीमा ल्याएको छ । कम्पनीले विद्यमान संस्थापक शेयरधनीहरूसँगै अन्य व्यक्ति तथा संस्थाहरूले समेत खरीद गर्न पाउने गरी यो शेयर विक्रीमा ल्याएको हो ।
इच्छुक खरीदकर्ताहरूले असोज १२ गते अपराह्न २ बजेसम्म गोप्य शिलबन्दी बोलपत्र पेस गर्नुपर्नेछ । यो शेयरको मूल्य प्रतिकित्ता ५३० रुपैयाँ तोकिएको छ ।
बोलपत्र पेस गर्दा तोकिएको मूल्य वा सोभन्दा बढी मूल्य अंकित गरी न्यूनतम १ हजार कित्तादेखि अधिकतम सम्पूर्ण कित्तासम्म माग गर्नुपर्नेछ । तोकिएको अवधिभित्र प्राप्त आवेदन असोज १४ गते दिउँसो ३ बजे विक्री प्रबन्धक एनआईएमबि एस क्यापिटल लिमिटेडको कार्यालय लाजिम्पाट, काठमाडौंमा खोलिनेछ ।
