ट्रेड टावर लिमिटेडको आइपिओ आज बाँडफाँड हुने भएको छ । कुल २१ लाख ७१ हजार १५४ आवेदकबाट २ करोड ५७ लाख ७९ हजार ७९० कित्ताका लागि आवेदन माग भएको यस कम्पनीको आइपिओको बाँडफाँड गोलाप्रथा विधिबाट हुनेछ । मागभन्दा बढी आवेदन परेका कारण गोला प्रथा विधिबाट आइपिओ बाँडफाँड हुने भएको हो ।
कम्पनीले गत जेठ १४ देखि २० गते सम्म सर्वसाधारणकालागि ३२ लाख ९६ हजार ५०६ कित्ता सेयर जारी गरेको थियो । मागभन्दा बढी आवेदन परिसकेकाले करिब १७ लाख आवेदकको हात खाली हुने छ ।
