अमलेखगन्ज/ नेपाली सेनाका प्रधान सेनापति महारथी अशोक राज सिग्देलले मिति २०८२ साल जेठ ५ र ६ गते सिराहास्थित श्री नं. २७ बाहिनी अड्डा, बारास्थित श्री नं. २८ बाहिनी अड्डा, श्री शान्ति कार्य लजिष्टिक शाखा तथा अमलेखगन्जस्थित श्री प्रतिविद्रोह तथा जङ्गल वारफेयर शिक्षालयको निरीक्षण भ्रमण गरेका छन् ।
निरीक्षण भ्रमणको क्रममा प्रधान सेनापति सिग्देलले सम्बन्धित बाहिनीहरूको जिम्मेवारी क्षेत्रको वस्तुस्थिति बारे अवलोकन गर्नुका साथै शान्ति कार्य लजिष्टिक शाखा र शिक्षालयका विविध पक्षहरूको अवस्थाबारे जानकारी लिई, सकलदर्जालाई सम्बोधन गरेका थिए ।
यसै क्रममा, उनले धनुषाको भिमानस्थित एकीकृत फायरिङ्ग अभ्यास इलाकामा सञ्चालनमा रहेको एकीकृत फायरिङ्ग अभ्यासको समेत अवलोकन गरेको सैनिक जनसम्पर्क निर्देशनालयले जानकारी दिएको छ।
