काठमाडौँ / बिहीबार सुनको मूल्यमा उच्च गिरावट आएको छ । नेपाल सुनचाँदी व्यवसायी महासङ्घका अनुसार बुधबारको तुलनामा आज सुनको भाउ तोलामा ४ हजार ६ सय रुपैयाँले घटेको हो ।
मूल्य घटेसँगै आज छापावाल सुनको मूल्य तोलामा १ लाख ८३ हजार ५०० रुपैयाँमा कारोबार भइरहेको छ । यसअघि भने प्रतितोला १ लाख ८८ हजार १०० रुपैयाँ कायम भएको थियो ।
यता, चाँदीको मूल्य पनि तोलामा ५० रुपैयाँ घटेको छ । बुधबार तोलामा १ हजार ९६५ रुपैयाँ कायम भएको चाँदीको आज घटेर १ हजार ९१५ रुपैयाँ कायम भएको हो ।
