आज विक्रम संवत २०८२ साल बैशाख, १३ गते,  शनिबार, ईश्वी सन् २०२५ अप्रिल २५ तारिख, नेपाल संवत् ११४५, सिद्धार्थी संवत्सर, उत्तरायणं, वसन्त ऋतु, श्रीशाके १९४७, वैशाख कृष्णपक्ष त्रयोदशी तिथि, ६ः०५ बजेपछि चतुर्दशी, उत्तरभाद्रपदा नक्षत्र, चन्द्रराशि मीन।

मेष (चु, चे, चो, ला, लि, लु, ले, लो, अ)
आर्थिक अवसरको खोजीमा दौडधुप बढ्न सक्छ। फाइदाका पछि लाग्दा सम्बन्धमा असर पर्न सक्ने भएकाले सावधानी आवश्यक छ। खर्च बढ्नाले दबाब महसुस हुनेछ भने ऋण दिनु जोखिमपूर्ण हुनेछ। सहयोग अपेक्षाकृत कम पाइएला, तर शुभचिन्तकको साथले नयाँ काममा राहत मिल्नेछ। होसियारीपूर्वक काम गर्दा आर्थिक लाभ सम्भव छ।

वृष (इ, उ, ए, ओ, बा, बि, बु, बे, बो)
आर्थिक क्षेत्रमा उल्लेखनीय प्रगति हुनेछ। प्रतिष्ठित कार्यले आम्दानी बढाउनेछ भने व्यापार र साझेदारीबाट विशेष लाभ मिल्नेछ। आयआर्जनका स्रोत विस्तार हुनेछन्, जसले परिवारजनका आवश्यकता सजिलै पुरा गर्न सकिनेछ। लगानीका लागि उपयुक्त समय रहेकोले दिगो फाइदाका लागि पुँजी बढाउन सकिन्छ। गरिएका कामको उचित मूल्यांकन र भौतिक साधन जुट्नाले आर्थिक सन्तुष्टि मिल्नेछ।

मिथुन (का, कि, कु, घ, ङ, छ, के, को, ह)
आर्थिक क्षेत्रमा सफलता मिल्नेछ। व्यापारमा फाइदा हुनेछ भने दाम, इनाम र प्रतिष्ठा प्राप्त हुने समय हो। कीर्तिमानी काममार्फत आम्दानीका नयाँ स्रोत खुल्न सक्छन्। शुभचिन्तकहरूको सहयोगले ठूला अवसरहरू पाउने सम्भावना छ। भूमि, वाहन र पैत्रिक सम्पत्तिबाट लाभ हुने योग छ। कार्यक्षेत्रमा प्रभुत्व जमाउँदै आर्थिक स्थिति मजबुत बनाउन सकिनेछ।

कर्कट (हि, हु, हे, हो, डा, डि, डु, डे, डो)
आर्थिक क्षेत्रमा सुधारका संकेत देखिए पनि खर्चमा वृद्धि हुनेछ। स्वास्थ्य कमजोर हुँदा आम्दानी प्रभावित हुन सक्छ भने अपूरा कामले अवसर गुम्ने सम्भावना छ। जिम्मेवारी बढ्नेछ तर सहयोगको अपेक्षा गर्दा धोका पर्न सक्छ। व्यावसायिक क्षेत्रमा लगानीको निर्णय केही समय पछिसम्म रोक्नु उचित हुनेछ। अरूका कारण महत्वपूर्ण समय खर्चिन सक्छ, सतर्क रहनुहोस्।

सिंह (मा, मि, मु, मे, मो, टा, टि, टु, टे)
आर्थिक क्षेत्रमा अनावश्यक खर्च र लेनदेनको विवादले दबाब बढाउन सक्छ। स्वास्थ्य उपचारमा खर्च बढ्ने सम्भावना छ भने सवारी सम्बन्धी समस्याले अप्रत्याशित खर्च ल्याउन सक्छ। काममा अरूको भरपर्दा घाटा हुन सक्छ, सजग रहनुपर्छ। मेहनतको श्रेय अरूले लिन सक्ने भएकाले सतर्क रहनुहोला। आँटेको काम सफल भए पनि खर्च नियन्त्रण आवश्यक छ।

कन्या (टो, प, पि, पु, ष, ण, ठ, पे, पो)
आर्थिक क्षेत्रमा उल्लेखनीय सुधार हुनेछ। व्यापार व्यवसायमा लाभ बढ्नेछ र आयस्रोतहरू विस्तार हुनेछन्। श्रमको उचित मूल्यांकनले आत्मविश्वास बढाउनेछ भने विभिन्न सहयोग, उपहार र सम्मानले आर्थिक उन्नति टेवा पुर्‍याउनेछ। पारिवारिक समर्थनले काममा उत्साह थप्नेछ। आयआर्जन राम्रै रहनेछ, तर स्वास्थ्यमा ध्यान दिनु आवश्यक छ। यात्रा पनि आर्थिक लाभदायक बन्न सक्छ।

तुला (र, रि, रु, रे, रो, ता, ति, तु, ते)
आर्थिक पक्ष सबल रहने समय छ। रकम र भौतिक साधन जुट्नाले आर्थिक स्थायित्वमा सहयोग पुग्नेछ। दिगो लाभ हुने काम सुरु गर्न सकिनेछ भने प्रयत्नशील रहँदा लक्ष्यमा पुग्न सकिनेछ। पेशा वा व्यवसायमा धैर्यपूर्वक निर्णय गर्दा सफलता मिल्नेछ। मेहनत र बुद्धिको प्रयोगले प्रतिस्पर्धा जितिनेछ। लामो यात्राले पनि आर्थिक सम्भावना बढाउन सक्छ।

वृश्चिक (तो, ना, नि, नु, ने, नो, या, यि, यु)
आर्थिक क्षेत्रमा पहिले रोकिएका कामले गति लिनाले आम्दानीका अवसर बढ्नेछन्। पुराना योजनाहरू सुरु गर्दा सफलता मिल्ने सम्भावना छ, तर भौतिक सुखसुविधामा खर्च बढ्न सक्छ। साधन बिग्रँदा वा स्वास्थ्य कमजोर हुँदा आर्थिक काममा असर पर्न सक्छ। आश्वासन दिनेहरूले झुक्याउन सक्ने भएकाले लगानी वा नयाँ काम अघि सोचविचार जरुरी छ।

धनु (ये, यो, भ, भि, भु, ध, फा, ढ, भे)
आर्थिक दृष्टिकोणबाट प्रभावशाली व्यक्तिको सहयोगले कार्य छिटो सम्पन्न हुनेछ। रचनात्मक कामले खुशी र सन्तुष्टि दिलाउनेछ। धार्मिक यात्रा र विद्यार्थीहरूको अध्ययनमा प्रगति हुनेछ। अवसर प्राप्त भए पनि समयको महत्त्व नबुझ्दा पछि पर्न सकिन्छ। अरूको प्रभावित हुने बानीले काम अधुरो रहने सम्भावना छ। खर्च बढ्दा आर्थिक समस्याहरू उत्पन्न हुन सक्छ, त्यसैले सोख र खर्चमा संयम राख्नु आवश्यक छ।

मकर (भो, ज, जि, खि, खु, खे, खो, गा, गि)
आर्थिक दृष्टिकोणबाट मेहनतको उचित फल पाइनेछ। भाग्यभन्दा पुरुषार्थमा ध्यान दिनुपर्ने समय छ। आफन्तहरूको सहयोगले काममा उत्साह र सफलता मिल्नेछ। उद्योग र व्यापारमा विशेष फाइदा हुने योग छ। शत्रु र प्रतिस्पर्धीलाई सजिलै हराउन सकिनेछ। कृषिमा केही समस्या भए पनि धन आर्जन गर्ने अवसर छ। परिश्रमले प्रतिस्पर्धामा विजय दिलाउनेछ।

कुम्भ (गु, गे, गो, सा, सि, सु, से, सो, द)
आर्थिक दृष्टिमा प्रभावशाली व्यक्तिको सहयोगले कार्य छिटो सम्पन्न हुनेछ। रचनात्मक कामबाट खुशी मिल्नेछ, तर समयको सदुपयोग नगरेर अवसर गुम्न सक्छ। अध्ययनमा प्रगति हुनेछ, तर ध्यान नदिएमा परिणाम राम्रो नआउन सक्छ। खर्चमा वृद्धि हुनाले आर्थिक संकट सिर्जना हुन सक्छ। बोली र व्यवहारमा सावधानी अपनाउनु आवश्यक छ, र शुभचिन्तकहरूको भावना बुझ्ने प्रयास गर्नुहोस्।

मीन (दि, दु, थ, झ, ञ, दे, दो, च, चि)
आर्थिक क्षेत्रमा, नोकरी वा पेशामा इच्छाशक्ति र पराक्रमले काम बनाउन मद्दत गर्नेछ। नयाँ प्रतियोगी परीक्षामा तयारी गर्नेहरूलाई सफलता मिल्नेछ। तर समयको महत्व नबुझ्दा योजनामा विघ्न आउन सक्छ। व्यवहार र अप्ठ्यारो परिस्थितिहरूसँग सावधानी अपनाउनु पर्नेछ। अरूको प्रभाव बढ्न सक्छ, तर मेहनत गर्दा भविष्यका लागि फाइदाजनक अवसरहरू सिर्जना हुनेछन्। स्वास्थ्यका लागि खानपानमा ध्यान दिनु आवश्यक छ।