काठमाडौँ / नेपाली बजारमा सोमबार सुनको मूल्यले पुनः नयाँ कीर्तिमान बनाएको छ । नेपाल सुनचाँदी व्यवसायी महासङ्घका अनुसार आइतबारको तुलनामा प्रतितोला १२ सय रुपैयाँले बढेर सुनको भाउले नयाँ कीर्तिमान बनाएको हो ।
सोमबार नेपाली बजारमा सुनको मूल्य तोलामा १ लाख ९१ हजार रुपैयाँ कायम भएको छ । जुन मूल्य हालसम्मकै उच्च हो। यसअघि बिहीबार सुनको मूल्य तोलामा १ लाख ९० हजार ६०० रुपैयाँ कायम भएको थियो ।
त्यसयता सुनको मूल्य सामान्य घटबढ भएकामा सोमबार भने हालसम्मकै उच्च बिन्दुमा पुगेको हो । आइतबार भने सुनको मूल्य तोलामा १ लाख ८९ हजार ८०० रुपैयाँ कायम भएको थियो ।
अमेरिकी राष्ट्रपति डोनाल्ड ट्रम्पले अन्य देशहरूको सामानमा ट्यारिफ लगाउने घोषणा गरेसँगै सुनको मूल्य आकाशिन थालेको हो । अन्य क्षेत्रका व्यवसायीहरूले सुनमा लगानी बढाउँदा मूल्य बढिरहेको छ । विश्लेषकहरूले सुनको मूल्य तोलामा २ लाख रुपैयाँ पुग्ने अनुमान गरिरहेका छन् ।
यता, चाँदीको मूल्य भने स्थिर रहेको छ । आइतबार तोलामा १ हजार ९६० रुपैयाँ कायम भएको चाँदीको मूल्य सोमबार पनि स्थिर रहेको हो ।
