काठमाडौँ / नयाँ बर्षको पहिलो कारोबार दिन सुनको भाउ तोलामा १ हजार ७ सय रुपैयाँ घटेको छ । नेपाल सुनचाँदी व्यवसायी महासङ्घका अनुसार आज सुन तोलामा १ लाख ८४ हजार ३ सय रुपैयाँमा कारोबार भइरहेको छ । चैत ३१ गते प्रतितोला १ लाख ८६ हजार रुपैयाँ पुगेको सुनको भाउ बैशाख लागेसँगै घटेको हो ।
यता, चाँदीको भाउ पनि तोलामा १५ रुपैयाँले घटेको छ । यसअघि तोलामा १ हजार ९ सय ६० रुपैयाँ रहेको चाँदी आज घटेर १ हजार ९ सय ४५ रुपैयाँमा कारोबार हुने भएको हो ।
