ललितपुर / पहिलो हिसान कप-ललितपुर बास्केटबल च्याम्पियनसिप २०२५ सुरु भएको छ । इतिहास रच्ने तयारीका साथ खेलको रोमाञ्चक सुरुवात प्रिमियर इन्टरनेशनल आइबि कन्टिन्युम स्कूलमा सुरु भएउको हो ।
हाइर इन्सिच्युट्स एण्ड सेकेन्डरी स्कुल्स एशोसिएट्स नेपाल (हिसान ललितपुर)द्वारा आयोजित यो ऐतिहासिक छ दिने प्रतियोगिता उत्कृष्ट खेल कौशल, जोश, र खेल भावना मनाउने अविस्मरणीय उत्सव बन्ने आयोजकको दावी छ ।
१८ वटा विद्यालयका २४ टिमहरूले प्रतिस्पर्धा गरिरहेका छन्, जसले प्लस टु छात्र र छात्रा तथा ब्याचलर तहका छात्र र छात्रा वर्गहरूमा विजयको लागि संघर्ष गर्दैछन्।
पहिलो प्रतियोगिताले रोमाञ्चक खेल, अद्भुत क्षणहरू र कडा प्रतिस्पर्धाको माहोल सिर्जना गरिरहेको आयोजकले जनाएको छ ।
पहिलो हिसान कपको रोमाञ्चक सुरुवात पहिलो दिनले नै रोमाञ्चक खेल र अविश्वसनीय ऊर्जाप्रदान गर्दै प्रतियोगिताको माहोल तताएको दावी गरिएको छ।
प्रतिस्पर्धाको पहिलो चरणमा प्रिमियर इन्टरनेशनल आइबि स्कूल, लिटिल एन्जल्स स्कूल, ब्लूबर्डस्कूल र आइडियल मोडेल स्कूल का टिमहरूले प्रभावशाली प्रदर्शन गर्दै पहिलो जित दर्ता गरे।
यी टिमहरूले उत्कृष्ट तालमेल, रणनीतिक योजना र खेल कौशल देखाउँदै प्रतियोगिताको पहिलो संस्करणमा आफ्नो दाबेदारी प्रष्ट पारे।
छात्रा वर्गमा, ब्लूबर्ड स्कूल र लिटिल एन्जल्स स्कूल ले पहिलो दिनमै आफ्नो दबदबा जमाउँदै शानदार जित हासिल गरे। उनीहरूको तीव्र खेल शैली र दृढता दर्शकहरूलाई अझ रोमाञ्चित बनाउँदै आगामी खेलहरूको लागिअपेक्षा बढाएको छ।
नागर्जुन कलेज र पिनाकल कलेजले रणनीतिक योजना र उत्कृष्ट टिमवर्क प्रस्तुत गर्दै प्रतियोगितामा प्रभावशाली प्रदर्शन गरे।
फेब्रुअरी २४ मा आइडियल मोडेल स्कूल मा हुने दोस्रो दिनका खेलहरू अझ रोमाञ्चक हुनेछन्। त्यसपछि, तेस्रो दिन लिटिल एन्जल्स स्कूलमा आयोजना हुनेछ। क्वार्टरफाइनल, सेमिफाइनल र फाइनल खेल आर्मीइनडोर कभर्डहलमा फाल्गुन १५, १६ र १७ गते हुनेछ।
