काठमाडौँ / नेपाल राष्ट्र बैंकले ५० अर्बको रुपैयाँको निक्षेप सङ्कलनका लागि सूचना जारी गरेको छ । बैंकले यस कार्यका लागि अनलाइन बिडिङ प्रणालीमार्फत आवेदन आह्वान गरेको हो ।
बैंकका अनुसार ५० अर्ब रुपैयाँ बराबरको रकम सङ्कलन गर्नका लागि ‘लगानीका साधन (डेपोजिट कलेक्सन)’ कार्यक्रमको व्यवस्था गरिएको छ ।
यसमा आवेदन दिन चाहने वित्तीय संस्थाहरूले २०८१ मंसिर १६ गतेदेखि अनलाइन माध्यमबाट सहभागिता जनाउन सक्नेछन् । कार्यक्रम अन्तर्गत बैंकहरूले तोकिएको मापदण्डमा रही सहभागिता जनाउनुपर्नेछ ।
बिडिङ प्रक्रियामा समावेश हुन चाहने बैंक तथा वित्तीय संस्थाहरूले राष्ट्र बैंकको वेबसाइटमार्फत आवश्यक प्रक्रिया पूरा गर्नुपर्ने सूचनामा उल्लेख छ ।
निक्षेप सङ्कलन कार्यक्रमले बजारमा तरलता व्यवस्थापन गर्न सहयोग पुग्ने बैंकले विश्वास व्यक्त गरेको छ ।
आइतबार दिउँसो २ बजेबाट अनलाइन बिडिङ प्रणालीबाट घटीमा १० करोड र बढीमा ५ करोड रुपैयाँले भाग गर्दा निःशेष
भाग जाने गरी कुल आव्हान रकमसम्म बोल गर्न सकिने सूचनामा उल्लेख छ ।
