काठमाडौं/ स्मार्टफोन ब्रान्ड HONOR ले आफ्नो नयाँ मोडल HONOR X6c नेपाली बजारमा सार्वजनिक गरेको छ।
नेपाली प्रयोगकर्ताको आवश्यकता र प्राथमिकतालाई ध्यानमा राखेर डिजाइन गरिएको यो फोन स्मार्ट डिजाइन, दमदार प्रदर्शन र अत्याधुनिक एआई (AI) फिचर सहित आएको कम्पनीले जानकारी दिएको छ।
HONOR X6c मा १.५ मिटर ड्रप रेसिस्टेन्स, IP64 प्रोटेक्सन, र AI Action Button जस्ता विशेषता रहेका छन्, जसले फोनलाई मजबुत र प्रयोगकर्तामैत्री बनाउनेछ। यो फोन नयाँ पुस्ताका लागि उत्कृष्ट विकल्प हुने दाबी कम्पनीको छ।
लञ्च उत्सवको अवसरमा, कम्पनीले सीमित अवधिको विशेष अफर पनि ल्याएको छ। २०८२ साउन १५ (जुलाई ३१, २०२५) सम्म HONOR X6c को खरिदमा रु ४,००० बराबरको HONOR X7e Active Earbuds निःशुल्क प्रदान गरिनेछ।
HONOR का अनुसार, स्मार्टफोन नेपाली बजारका अधिकृत स्टोर तथा आउटलेटहरूमा उपलब्ध छ। सुलभ मूल्यमा अत्याधुनिक प्रविधि अनुभव गर्न खोज्ने प्रयोगकर्ताका लागि यो एक आकर्षक विकल्प बन्ने कम्पनीको अपेक्षा छ।
