काठमाडौँ / लाइफ इन्स्योरेन्स कर्पोरेशन (एलआइसी नेपाल) लिमिटेडले शेयरधनीहरुलाई कुनै पनि लाभांश वितरण नगर्ने घोषणा गरेको छ।
कम्पनीको भदौ २५ गते बसेको सञ्चालक समितिको बैठकले यस्तो निर्णय गरेको हो।कम्पनीको उक्त निर्णय संगै आर्थिक वर्ष २०७८–७९ को मुनाफाबाट आफ्ना शेयरधनीहरुलाई यस बर्ष लाभांश वितरण नगर्ने घोषणा गरेको हो ।
कम्पनीको सोही बैठकले आर्थिक वर्ष २०७८–७९ को वासलात, नाफा नोक्सान हिसाब किताब तथा नगद प्रवाह विवरण लगायतका विवरणहरु छलफल गरी स्वीकृतीको लागि नेपाल बीमा प्राधिकरणमा पेश गर्ने निर्णय गरेको छ।
